ബാഴ്സലോണ: സ്പയിൻ മാസ്റ്റേഴ്സ് ബാഡ്മിന്‍റണ്‍ ചാന്പ്യൻഷിപ്പിൽ ഇന്ത്യയുടെ സൈന നെഹ്‌വാൾ ക്വാർട്ടറിൽ. രണ്ടാം റൗണ്ടിൽ യുക്രെയ്നിന്‍റെ മരിയ യുലിറ്റിനയെ നേരിട്ടുള്ള ഗെയിമുകൾക്കു കീഴടക്കിയാണ് സൈന ക്വാർട്ടറിൽ കടന്നത്.
21-10, 21-19നായിരുന്നു സൈനയുടെ ജയം. ക്വാർട്ടറിൽ തായ്‌ലൻഡിന്‍റെ ബുസനൻ ഓങ്ബംറൻഫാൻ ആണ് സൈനയുടെ എതിരാളി.പുരുഷ സിംഗിൾസിൽ സമീർ വെർമയും ക്വാർട്ടറിൽ പ്രവേശിച്ചു. മൂന്നാം സീഡായ കിഡംബി ശ്രീകാന്തിനെ അട്ടിമറിച്ച് അജയ് ജയറാമും ക്വാർട്ടറിൽ ഇടംപിടിച്ചു.
സ്കോർ: 21-6, 21-17. മിക്സഡ് ഡബിൾസിൽ പ്രണവ് ജെറി ചോപ്ര – സിക്കി റെഡ്ഡി സഖ്യവും വനിതാ ഡബിൾസിൽ അശ്വിനി പൊന്നപ്പ – സിക്കി റെഡ്ഡി സഖ്യവും രണ്ടാം റൗണ്ട് കടന്നില്ല.
