അതികഠിനമായ ചെവിവേദനയെ തുടർന്ന് ആശുപത്രിയിലെത്തിയ യുവതിയുടെ ചെവിയിൽ നിന്നും ഡോക്ടർമാർ പുറത്തെടുത്തത് എട്ടുകാലിയെ. ബംഗളുരുവിലെ ആശുപത്രിയിലാണ് സംഭവം അരങ്ങേറിയത്. എൽ. ലക്ഷമി എന്ന യുവതിയുടെ ചെവിയിൽ നിന്നാണ് ഡോ. സന്തോഷ് ശിവസ്വാമിയുടെ നേതൃത്വത്തിലുള്ള സംഘം എട്ടുകാലിയെ നീക്കം ചെയ്തത്. ഇവരുടെ ചെവിയിൽ നിന്നും എട്ടുകാലി നടന്ന് പുറത്തേക്കു വരുന്നതിന്റെ ചിത്രങ്ങൾ വൈറലാകുകയാണ്.
ഒരാളുടെ ചെവിയിൽ നിന്നും ജീവനോടെ എട്ടുകാലിയെ പുറത്തെടുക്കുന്നത് തികച്ചും അസാധാരണമായ സംഭവമാണെന്നാണ് ഡോക്ടർമാർ പറയുന്നത്.
