തിരുവനന്തപുരം: സംസ്ഥാന സർക്കാരിനു കീഴിലുള്ള കായിക വിദ്യാലയങ്ങളിൽ 2024-25 അധ്യയന വർഷം വിവിധ ക്ലാസുകളിലേക്കുള്ള പ്രവേശനത്തിനു വിദ്യാർഥികളെ തെരഞ്ഞെടുക്കുന്ന ടാലന്‍റ് ഹണ്ട് സെലക്ഷൻ ട്രയൽസ് നാളെ മുതൽ 19 വരെ വിവിധ കേന്ദ്രങ്ങളിൽ നടക്കും.
ജിവി രാജ സ്കൂൾ, കണ്ണൂർ സ്പോർട്സ് സ്കൂൾ, കുന്നംകുളം സ്പോർട്സ് ഡിവിഷൻ എന്നിവിടങ്ങളിലെ ആറ്, ഏഴ്, എട്ട്, ഹയർ സെക്കൻഡറി, വൊക്കേഷണൽ ഹയർ സെക്കൻഡറി എന്നീ ക്ലാസുകളിലേക്കു നേരിട്ടും ഒന്പത്, 10 ക്ലാസുകളിലേക്ക് ലാറ്ററൽ എൻട്രിയുമാണ് പ്രവേശനം.
അത്ലറ്റിക്സ്, ബാസ്കറ്റ് ബോൾ, ബോക്സിംഗ്, ഹോക്കി, ജൂഡോ, തായ്ക്വോണ്ടോ, വോളിബോൾ, റസ്‌ലിംഗ് എന്നീ ഇനങ്ങളിലേക്കാണ് പ്രവേശനം. കണ്ണൂരിൽ പോലീസ് പരേഡ് ഗ്രൗണ്ടിലും ഇടുക്കിയിൽ അടിമാലി ഗവൺമെന്‍റ് ഹൈസ്കൂളിലുമാണ് ആദ്യ ദിവസത്തെ സെലക്ഷൻ ട്രയലുകൾ നടക്കുക.
പങ്കെടുക്കുന്ന വിദ്യാർഥികൾ രേഖകളുമായി അതാത് കേന്ദ്രങ്ങളിൽ രാവിലെ ഒന്പതിനു ഹാജരാകണം.
സെലക്ഷൻ ട്രയൽസ് നടക്കുന്ന കേന്ദ്രങ്ങളും തീയതികളും
11-ഇഎംഎസ് സ്റ്റേഡിയം, നീലേശ്വരം, കാസർഗോഡ്, ന്യൂമാൻസ് കോളജ്, തൊടുപുഴ
12-എംജി കോളജ്, ഇരിട്ടി, യുസി കോളജ്, ആലുവ
13-ഗവണ്മെന്‍റ് കോളജ്, മടപ്പള്ളി, ജിഎച്ച്എച്ച്എസ്, ചാരമംഗലം, ആലപ്പുഴ
14-മുനിസിപ്പൽ സ്റ്റേഡിയം, കൽപ്പറ്റ, വയനാട്, മുനിസിപ്പൽ സ്റ്റേഡിയം, പാലാ, കോട്ടയം
15-ഗവ. ഫിസിക്കൽ എഡ്യൂക്കേഷൻ കോളജ്, കോഴിക്കോട്, സെന്‍റ് ഡൊമിനിക് കോളജ്, കാഞ്ഞിരപ്പള്ളി, കോട്ടയം
16-കോട്ടപ്പടി സ്റ്റേഡിയം, മലപ്പുറം, മുനിസിപ്പൽ സ്റ്റേഡിയം, പത്തനംതിട്ട
17-മുനിസിപ്പൽ സ്റ്റേഡിയം, നിലന്പൂർ, ആശ്രാമം മൈതാനം, കൊല്ലം
18-മെഡി.കോളജ് മൈതാനം, പാലക്കാട്, ജിവി രാജാ സ്പോർട്സ് സ്കൂൾ, തിരുവനന്തപുരം
19-ക്രൈസ്റ്റ് കോളജ്, ഇരിങ്ങാലക്കുട, മുനിസിപ്പൽ സ്റ്റേഡിയം, നെയ്യാറ്റിൻകര.
