സംസ്ഥാന സ്കൂൾ കായികമേളയിൽ ആദ്യ സ്വർണം നേടി കണ്ണൂർ. കണ്ണൂർ ജി.വി.എച്ച്.എസ്.എസിലെ വിദ്യാർത്ഥിനി ഗോപികാ ഗോപിയാണ് മേളയിലെ ആദ്യ സ്വർണം കരസഥമാക്കിയത്.
ജൂനിയർ ഗേൾസ് 3000 മീറ്റർ ഓട്ടത്തിലാണ് ഗോപിക സ്വർണം നേടിയത്.
11.01.81 സമയത്താണ് ഗോപിക ഓടിയെത്തിയത്. കോഴിക്കോട് ഉഷാ സ്കൂൾ ഓഫ് അത്‌ലറ്റിക്സ് വിദ്യാർത്ഥിനി അശ്വിനി.ആർ.നായർ വെള്ളി നേടി.
ജൂനിയർ വിഭാഗം ആൺ കുട്ടികളുടെ മത്സരത്തിൽ മലപ്പുറം ജില്ലക്ക് വേ‌ണ്ടി മുഹമ്മദ് അമീൻ സ്വർണം നേടി.
65ാമത് സ്കൂൾ കാ‌യിക മേളക്കാണ് തുടക്കമായത്. ഒക്ടോബര്‍ 16 മുതല്‍ 20 വരെ തൃശ്ശൂര്‍ കുന്നംകുളം ഗവ. വൊക്കേഷണല്‍ ഹയര്‍ സെക്കന്‍ഡറി സ്റ്റേഡിയത്തിലാണ് മത്സരം.
