സൈന നെഹ്‍വാളിന്‍റെ ജീവചരിത്രം പ്രമേയമാകുന്ന സിനിമയിൽ നിന്നും നായികയായി നിശ്ചയിച്ചിരുന്ന ശ്രദ്ധ കപൂര്‍ പിന്മാറി. ചിത്രത്തിന്‍റെ ചിത്രീകരണം പുരോഗമിച്ചു കൊണ്ടിരിക്കുന്ന ഘട്ടത്തിലാണ് പിന്മാറ്റ വാർത്ത എത്തിയിരിക്കുന്നത്. പരിണീതി ചോപ്രയായാണ് പുതിയ നായികയെന്നാണ് റിപ്പോർട്ട്.
ഡെങ്കി പിടിപെട്ട് നേരത്തെ ചിത്രത്തില്‍ നിന്ന് തല്‍ക്കാലം ശ്രദ്ധ പിന്മാറിയിരുന്നു. എന്നാല്‍ ഇപ്പോള്‍ ചിത്രത്തില്‍ നിന്ന് പൂർണമായും മാറുകയാണെന്നാണ് ശ്രദ്ധ കപൂര്‍ അറിയിച്ചിരിക്കുന്നത്. ഡേറ്റ് പ്രശ്നമാണ് ചിത്രത്തില്‍ നിന്ന് പിൻമാറാൻ കാരണമെന്നാണ് ശ്രദ്ധ കപൂര്‍ പറയുന്നത്.
എന്തായാലും പരിണീതി ചോപ്രയെ നായികയാക്കി ചിത്രീകരണം ഉടൻ തുടങ്ങാനാണ് തീരുമാനം. അമോല്‍ ഗുപ്‍തയാണ് ചിത്രം സംവിധാനം ചെയ്യുന്നത്.
