സ്കോ​ട്ട് ലൻ​ഡ് ക്രി​ക്ക​റ്റ് ലീ​ഗി​ൽ ക​ളി​ക്കു​ന്നതിനെക്കുറിച്ച് ബി​സി​സി​ഐ ഒ​ന്നും അ​റി​യി​ച്ചി​ട്ടി​ല്ല; ത​നി​ക്ക് ഇ​പ്പോ​ഴും സ്കോ​ട്ട് ലൻ​ഡി​ൽ ക​ളി​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷയെന്ന് ശ്രീ​ശാ​ന്ത്

കൊ​ച്ചി: സ്കോ​ട്ട് ലൻ​ഡ് ക്രി​ക്ക​റ്റ് ലീ​ഗി​ൽ ക​ളി​ക്കു​ന്ന​തി​നു ത​ന്നെ അ​നു​വ​ദി​ക്കു​മോ ഇ​ല്ലെ​യോ എ​ന്ന​തു സം​ബ​ന്ധി​ച്ച് ബി​സി​സി​ഐ ഒ​ന്നും ത​ന്നെ അ​റി​യി​ച്ചി​ട്ടി​ല്ലെ​ന്നു ശ്രീ​ശാ​ന്ത് രാഷ്ട്രദീപികയോടു പറഞ്ഞു. സ്കോ​ട്ടിഷ് ലീ​ഗി​ൽ ക​ളി​ക്കാ​ൻ അ​നു​വ​ദി​ക്ക​ണ​മെ​ന്നു കാ​ണി​ച്ച്  ഇ​തു​വ​രെ താ​ൻ ന​ൽ​കി​യ അ​പേ​ക്ഷ​ക​ൾ​ക്കൊ​ന്നും ബി​സി​സി​ഐ ഒ​രു മ​റു​പ​ടി​യും ന​ൽ​കി​യി​ട്ടി​ല്ല. ഇ​ക്കാ​ര്യ​ത്തി​ൽ കേ​ര​ളാ ക്രി​ക്ക​റ്റ് അ​സോ​സി​യേ​ഷ​നും ഇ​തു​വ​രെ ഒ​രു അ​റി​യി​പ്പും ന​ൽ​കി​യി​ട്ടി​ല്ല.

ത​നി​ക്ക് ഇ​പ്പോ​ഴും സ്കോ​ട്ട​് ലൻ​ഡി​ൽ ക​ളി​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷ. ബി​സി​സി​ഐ എ​ൻ​ഒ​സി എ​ന്നു ത​രു​ന്നോ അ​ന്നു സ്കോട്ട് ലൻ​ഡി​ലേ​ക്കു പോ​കു​മെ​ന്നും അ​ദ്ദേ​ഹം പ​റ​ഞ്ഞു. മാ​ത്ര​മ​ല്ല മൂ​ന്നു വ​ർ​ഷം മു​ന്പു ത​ന്നെ വി​ല​ക്കി​യ​തു സം​ബ​ന്ധി​ച്ച നോ​ട്ടീ​സ് പോ​ലും ഇ​തു​വ​രെ ലഭിച്ചിട്ടില്ലെന്നും ശ്രീ​ശാ​ന്ത്  പറഞ്ഞു.

അ​തേ​സ​മ​യം, ഏ​പ്രി​ൽ അ​വ​സാ​നം ആ​രം​ഭി​ക്കു​ന്ന സ്കോ​ട്ടി​ഷ് ലീ​ഗി​ൽ ക​ളി​ക്ക​ണ​മെ​ങ്കി​ൽ 90 ദി​വ​സം മു​ന്പെ​ങ്കി​ലും ടീ​മി​നൊ​പ്പം ചേ​ര​ണ​മെ​ന്നാ​ണ് നി​യ​മം. അ​ത​നു​സ​രി​ച്ച് 29 എ​ങ്കി​ലും ശ്രീ​ശാ​ന്തി​നു അ​വി​ടെ​യെ​ത്ത​ണം. ടീ​മി​നൊ​പ്പം ചേ​രാ​ൻ വൈ​കു​ന്ന​തി​ന​നു​സ​രി​ച്ച് ശ്രീ​ശാ​ന്തി​നു മ​ത്സ​ര​ങ്ങ​ളും ന​ഷ്ട​മാ​കും. എ​ങ്കി​ലും എ​ൻ​ഒ​സി ല​ഭി​ച്ച് പോ​കാ​ൻ സാ​ധി​ക്കു​മെ​ന്നു ത​ന്നെ​യാ​ണ്  ശ്രീ​ശാ​ന്ത് പ്ര​തീ​ക്ഷി​ക്കു​ന്ന​ത്.

ഒ​ത്തു​ക​ളി വി​വാ​ദ​ത്തി​ൽ​പ്പെ​ട്ട് ക്രി​ക്ക​റ്റി​ൽ നി​ന്നു വി​ല​ക്കി​യ​തി​നെ​ത്തു​ട​ർ​ന്ന് സി​നി​മ​യും മ​റ്റു​മാ​യി തി​ര​ക്കി​ലാ​യി​രു​ന്നു ശ്രീ​ശാ​ന്ത്.  ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​ൽ ബി​ജെ​പി സ്ഥാ​നാ​ർ​ഥി​യാ​യി തി​രു​വ​ന​ന്ത​പു​ര​ത്തു​നി​ന്നു മ​ത്സ​രി​ക്കു​ക​യും ചെ​യ്തു. കോ​ട​തി ശ്രീ​ശാ​ന്തി​നെ കു​റ്റ​വി​മു​ക്ത​നാ​ക്കി​യ​തോ​ടെ ക്രി​ക്ക​റ്റി​ലേ​ക്ക് തി​രി​ച്ചു വ​രാ​മെ​ന്നു​ള്ള പ്ര​തീ​ക്ഷ​യി​ലാ​യി​രു​ന്നു താ​രം. ഇ​തി​നി​ട​യി​ലാ​ണ് സ്കോ​ട്ടി​ഷ് ലീ​ഗി​ൽ നി​ന്നു​ള്ള വി​ളി എ​ത്തു​ന്ന​ത്. വി​ല​ക്കു​ള്ള​തി​നാ​ൽ ബി​സി​സി​ഐ​യു​ടെ​യോ കെ​സി​എ​യു​ടെ​യോ ഗ്രൗ​ണ്ടു​ക​ളി​ൽ പ​രി​ശീ​ല​നം ന​ട​ത്താ​ൻ ആ​കു​മാ​യി​രു​ന്നി​ല്ല.

തു​ട​ർ​ന്ന് പ​ഴ​യ ടീ​മാ​യ മു​ത്തൂ​റ്റി​ന്‍റെ ഗ്രൗ​ണ്ടി​ൽ അ​വ​രു​ടെ സൗ​ക​ര്യ​ങ്ങ​ൾ ഉ​പ​യോ​ഗി​ച്ച് പ​രി​ശീ​ല​നം ന​ട​ത്തി വ​രി​ക​യാ​യി​രു​ന്നു ശ്രീ​ശാ​ന്ത്.   ക​ളി​ക്കാ​ൻ പൂ​ർ​ണ​മാ​യി ത​യാ​റെ​ടു​ത്തി​രു​ന്നെ​ങ്കി​ലും ബി​സി​സി​ഐ​യു​ടെ നി​സ​ഹ​ക​ര​ണം ശ്രീ​ശാ​ന്തി​ന്‍റെ ക​രി​യ​റി​ൽ വീ​ണ്ടും ക​രി​നി​ഴ​ൽ വീ​ഴ്ത്തി​യി​രി​ക്കു​ക​യാ​ണ്. സ്കോട്ട് ലൻ​ഡി​ൽ ക​ളി​ക്കാ​നാ​കു​ന്ന​തി​ന്‍റെ സ​ന്തോ​ഷം ശ്രീ​ശാ​ന്ത് ഫേ​സ്ബു​ക്കി​ലും കു​റി​ച്ചി​രു​ന്നു.