വടകര: ഈ തെരഞ്ഞെടുപ്പോടെ ഇടതുപാർട്ടികളുടെ പ്രസക്തി ദേശീയരാഷ്ട്രീയത്തിൽ അപ്രസക്തമാകുമെന്ന് ബിജെപി സംസ്ഥാന പ്രസിഡന്‍റ് പി.എസ്.ശ്രീധരൻപിള്ള. സിപിഎമ്മിന്‍റെയും സിപിഐയുടെയും അണികൾക്ക് തങ്ങളുടെ ചിഹ്നത്തിൽ അവസാനമായി വോട്ടുചെയ്യാൻ കഴിയുന്ന തെരഞ്ഞെടുപ്പായിരിക്കും ഇതെന്ന് അദ്ദേഹം പറഞ്ഞു.
എൻഡിഎ വടകര പാർലമെന്‍റ് മണ്ഡലം സ്ഥാനാർഥി വി.കെ.സജീവന്‍റെ തെരഞ്ഞെടുപ്പ് കമ്മിറ്റി രൂപീകരണ കണ്‍വെൻഷൻ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കെ.പി.ശ്രീശൻ, ബിജെപി. ഉത്തരമേഖലാ പ്രസിഡന്‍റ് വി.വി.രാജൻ, ടി.ബാലസോമൻ, സ്ഥാനാർഥി വി.കെ.സജീവൻ, ജില്ലാ പ്രസിഡന്‍റ് ടി.പി.ജയചന്ദ്രൻ, തിരുവള്ളൂർ മുരളി, ജിതേന്ദ്രൻ, വർക്കി വട്ടപ്പാറ, മാത്യു പേഴത്തിങ്കൽ, എൻ.എൻ.ഗിരി, വി.കെ.ജയൻ, രാമദാസ് മണലേരി, സന്തോഷ് കാളിയത്ത്, നോബിൾ മാത്യു, ടി.കെ.പത്മനാഭൻ, പത്മിനി, രത്നാകരൻ പയ്യോളി, എം.രാജേഷ് തുടങ്ങിയവർ പ്രസംഗിച്ചു.
