വി​ദ്യാ​ഭ്യാ​സ രം​ഗ​ത്തെ മൂ​ല്യ​ശോ​ഷ​ണ​ത്തി​ന്‍റെ ഇ​ര​യാ​ണ് ശ്രീ​ദേ​വി ടീ​ച്ച​ർ; ആത്മഹത്യയ്ക്ക് പിന്നിലെ യഥാർഥ കാ​ര​ണം അ​ന്വേ​ഷിച്ച് കു​റ്റ​വാ​ളി​ക​ളെ  കണ്ടെത്തണമെന്ന് ദേ​ശീ​യ അ​ധ്യാ​പ​ക പ​രി​ഷ​ത്ത്

കു​ണ്ട​റ: അ​ഷ്ട​മു​ടി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ പ്രി​ൻ​സി​പ്പ​ലാ​യി​രു​ന്ന ശ്രീ​ദേ​വി ടീ​ച്ച​ർ ആ​ത്മ​ഹ​ത്യ ചെ​യ്ത​തി​ന്‍റെ പി​ന്നി​ലെ യ​ഥാ​ർ​ഥ വ​സ്തു​ത​ക​ൾ നി​ഷ്പ​ക്ഷ​മാ​യി അ​ന്വേ​ഷി​ച്ച് കു​റ്റ​വാ​ളി​ക​ളെ നി​യ​മ​ത്തി​ന് മു​ന്നി​ൽ കൊ​ണ്ടു​വ​ര​ണ​മെ​ന്ന് ദേ​ശീ​യ അ​ധ്യാ​പ​ക പ​രി​ഷ​ത്ത് സം​സ്ഥാ​ന ജ​ന​റ​ൽ സെ​ക്ര​ട്ട​റി പി.​എ​സ്. ഗോ​പ​കു​മാ​ർ ആ​വ​ശ്യ​പ്പെ​ട്ടു.

വി​ദ്യാ​ഭ്യാ​സ രം​ഗ​ത്തെ മൂ​ല്യ​ശോ​ഷ​ണ​ത്തി​ന്‍റെ ഇ​ര​യാ​ണ് ശ്രീ​ദേ​വി ടീ​ച്ച​ർ. വി​ദ്യാ​ർ​ഥി​ക​ളെ നേ​ർ​വ​ഴി​ക്ക് ന​യി​ക്കാ​നു​ള്ള ധാ​ർ​മി​ക ഉ​ത്ത​ര​വാ​ദി​ത്വം അ​ധ്യാ​പ​ക​ർ​ക്കു​ണ്ട്. പൂ​ർ​ണ​മാ​യും ഉ​ത്ത​ര​വാ​ദി​ത്വം നി​റ​വേ​റ്റു​ന്ന അ​ധ്യാ​പ​ക​രെ നി​യ​മ​ങ്ങ​ളും ച​ട്ട​ങ്ങ​ളും ദു​ർ​വ്യാ​ഖ്യാ​നം ചെ​യ്ത് പ്ര​തി​സ്ഥാ​ന​ത്ത് നി​ർ‌​ത്തി കു​റ്റ​വി​ചാ​ര​ണ ചെ​യ്യു​ന്ന​ത് നീ​തീ​ക​രി​ക്കാ​നാ​കി​ല്ല. സ്കൂ​ളി​ലെ റി​സ​ൾ​ട്ടി​നെ​ക്കു​റി​ച്ച് പ്രി​ൻ​സി​പ്പ​ൽ ആ​ശ​ങ്കാ​കു​ല​യാ​യി​രു​ന്നു എ​ന്ന ത​ര​ത്തി​ലു​ള്ള പ്ര​ച​ര​ണം അ​ധ്യാ​പ​ക സം​ഘ​ട​ന​ക​ളു​ടെ ഭാ​ഗ​ത്തു​നി​ന്ന് ഉ​ണ്ടാ​കു​ന്ന​ത് ഖേ​ദ​ക​ര​മാ​ണെ​ന്നും ഗോ​പ​കു​മാ​ർ പ​റ​ഞ്ഞു.

അ​ധ്യാ​പ​ക നേ​താ​ക്ക​ളാ​യ പി.​എ​സ്. ഗോ​പ​കു​മാ​ർ, ടി.​ജെ. ഹ​രി​കു​മാ​ർ, ശ്രീ​രം​ഗം ശം​ഭു, പി.​ആ​ർ.​ഗോ​പ​കു​മാ​ർ, എ. ​അ​നി​ൽ​കു​മാ​ർ, എം. ​ജ​യ​പ്ര​കാ​ശ്, എ​സ്. കെ. ​ദീ​പു, എ​സ്. കെ. ​ദി​ലീ​പ്, ഷൈ​ജു മാ​ധ​വ​ൻ, ശ​ര​ത് ശ​ശി എ​ന്നി​വ​ർ പെ​രു​ന്പു​ഴ​യി​ലെ ടീ​ച്ച​റി​ന്‍റെ വീ​ട്ടി​ലെ​ത്തി.