മികച്ച കായികതാരത്തിനുള്ള വേൾഡ് ഗെയിംസ് അത്‌ലറ്റിന്‍റെ പുരസ്കാരം ഇന്ത്യൻ ഹോക്കി ഗോൾകീപ്പർ പി.ആർ. ശ്രീജേഷിന്.
2021ലെ മികച്ച പ്രകടനമാണു ശ്രീജേഷിനെ പുരസ്കാരത്തിലെത്തിച്ചത്. വേൾഡ് ഗെയിംസ് അത്‌ലറ്റിന്‍റെ ഈ ബഹുമതി നേടുന്ന രണ്ടാമത്തെ ഇന്ത്യൻതാരമാണു ശ്രീജേഷ്.
2020ൽ ഇന്ത്യൻ വനിതാ ഹോക്കി ക്യാപ്റ്റൻ റാണി രാംപാൽ 2019ലെ മികച്ച പ്രകടനത്തിനു പുരസ്കാരം നേടിയിരുന്നു.
സ്പോർട് ക്ലൈന്പിംഗ് ഒളിന്പിക് ചാന്പ്യൻ സ്പെയിനിന്‍റെ ആൽബർട്ടോ ഗിനെസ് ലോപസ്, ഇറ്റലിയുടെ വുഷു താരം മിഷേൽ ജിയോർഡാനോ എന്നിവരെയാണു ശ്രീജേഷ് പിന്തള്ളിയത്.
ഇന്ത്യൻ താരത്തിന് 1,27,647 വോട്ടാണു ലഭിച്ചത്. ലോപസിന് 67,428 വോട്ടും ജിയോർഡാനോയ്ക്ക് 52, 046 വോട്ടുകളും ലഭിച്ചു.
ടോക്കിയോ ഒളിന്പിക്സിൽ ഇന്ത്യയെ വെങ്കല മെഡലിലെത്തിക്കുന്നതിൽ ശ്രീജേഷിന്‍റെ പങ്ക് വലുതായിരുന്നു.
