കൊച്ചി: വരാപ്പുഴ കസ്റ്റഡി മരണക്കേസിൽ സിബിഐ അന്വേഷണം ആവശ്യപ്പെട്ടുള്ള ഹർജി ഹൈക്കോടതി തള്ളി. കേസിന്‍റെ അന്വേഷണം സിബിഐ പോലുള്ള ഏജൻസികളെ ഏൽപ്പിക്കണമെന്നും ഒരു കോടി രൂപ നഷ്ടപരിഹാരം വേണമെന്നും ആവശ്യപ്പെട്ട് ശ്രീജിത്തിന്‍റെ ഭാര്യ അഖില നൽകിയ ഹർജിയാണ് ഡിവിഷൻ ബെഞ്ച് തള്ളിയത്.
അതേസമയം, കേസിന്‍റെ അന്വേഷണം ഏറ്റെടുക്കാൻ തയാറാണെന്ന് സിബിഐ അഭിഭാഷകൻ ഹൈക്കോടതിയിൽ വ്യക്തമാക്കുകയും ചെയ്തു. നേരത്തേ, സിബിഐ അന്വേഷണം ആവശ്യപ്പെട്ടുള്ള ഹർജി സിംഗിൾബെഞ്ചും തള്ളിയിരുന്നു. ഇതേത്തുടർന്നാണ് ശ്രീജിത്തിന്‍റെ ഭാര്യ ഡിവിഷൻ ബെഞ്ചിൽ അപ്പീൽ നൽകിയത്.
