സഹോദരന്റെ കൊലപാതകികളെ കണ്ടെ ത്തി തക്കതായ ശിക്ഷ നൽകണമെന്ന ആവശ്യവുമായി സെക്രട്ടേറിയറ്റ് പടിക്കൽ രാപകൽ സമരം ചെയ്ത് ശ്രദ്ധേയനായ ശ്രീജിത്ത് ഒരു ഹ്രസ്വ ചിത്രത്തിൽ നായകനായി എത്തുന്നു.
ശ്രീജിത്ത് എന്ന് പേരിട്ട ഈ ചിത്രം സംവിധാനം ചെയ്യുന്നത് സതീഷ് കറ്റാനവും, ഹരീഷ് സി.സേനനും ചേർന്നാണ്. എസ്. വി. ഫിലിംസ് പ്രൊഡക്ഷൻ കൊച്ചിക്കു വേണ്ട ി റാണി ഗോകുൽ, ജോർജ് വിപിൻ എന്നിവർ ചേർന്നാണ് നിർമാണം.
ശ്രീജിത്തിന്‍റെ സമരപ്പന്തലിൽ വച്ച് ചിത്രീകരിച്ച ഈ ടെലിഫിലിം ഒരു സറ്റയറിക്കൽ കോമഡി ഫിലിമാണ്. ശ്രീജിത്തിന്‍റെ ജീവിത വഴികളിലൂടെ സഞ്ചരിക്കുന്ന ടെലിഫിലിമിലൂടെ ശ്രീജിത്ത് ചില ഓർമപ്പെടുത്തലുകൾ നടത്തുന്നു.
രചന, സംവിധാനം-സതീഷ് കറ്റാനം, ഹരീഷ് സി. സേനൻ, കാമറ- ജുബിൻ ജുബീഷ്, എഡിറ്റിംഗ്- മുഹമ്മദ് റാഫി, സംഗീതം- വിഷ്ണു ആർ.മേനോൻ, കല-അജി കുമാർ മുതുകുളം, പ്രൊഡക്ഷൻ കണ്ട്രോളർ- ലാലു, അസിസ്റ്റന്‍റ് ഡയറക്ടർ- സജിൻ സി.കെ, പി.ആർ.ഒ. അയ്മനം സാജൻ. ശ്രീജിത്തിനോടൊപ്പം, സുജിത്ത് കോഴിക്കോട്, സാബു തോട്ടപ്പള്ളി, രാജേഷ് 3 ഉ, അജികുമാർ, റാണി ഗോകുൽ, അയ്യപ്പൻ ആർ.വി., പിങ്കിമോൾ, അബ്ദുള്ള ഷാജി എന്നിവരും അഭിനയിക്കുന്നു.
