അടുത്തിടെയാണ് ചലച്ചിത്രതാരം ശ്രിന്ദ തന്‍റെ ഗ്ലാമറസ് ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്ത് ആരാധകരെ അന്പരപ്പിച്ചത്. ഇപ്പോൾ വീണ്ടും വ്യത്യസ്ത ചിത്രങ്ങളുമായി എത്തിയിരിക്കുകയാണ് ശ്രിന്ദ. ലോക സമുദ്ര ദിനത്തെക്കുറിച്ചുള്ള പോസ്റ്റിലാണ് തന്‍റെ വ്യത്യസ്ത ലുക്കിലുള്ള ചിത്രം താരം പുറത്തു വിട്ടത്.
ചുവന്ന മുണ്ടും ടീഷർട്ടും ധരിച്ച് കടൽക്കരയിൽ നിൽക്കുന്ന ചിത്രമാണ് ശ്രിന്ദ സോഷ്യൽ മീഡിയയിൽ പങ്കു വച്ചത്. ചിത്രത്തോട് രസകരമായ കമന്‍റുകളുമായാണ് ആരാധകർ പ്രതികരിച്ചത്.
ഷാജി പാപ്പന്‍റെ മുണ്ടാണോ ശ്രിന്ദ ധരിച്ചിരിക്കുന്നത് എന്നാണ് ഒരാളുടെ ചോദ്യം. ശ്രിന്ദയും ജയസൂര്യയും അഭിനയിച്ച ആട് ഒരു ഭീകരജീവിയാണ് എന്ന ചിത്രത്തിൽ ജയസൂര്യ അവതരിപ്പിച്ച ഷാജി പാപ്പൻ എന്ന കഥാപാത്രത്തിന്‍റെ വേഷമായിരുന്നു ചുവന്ന മുണ്ട്.
പാപം ചെയ്യാത്തവർ കല്ലെറിയട്ടയാണ് ഏറ്റവും ഒടുവിലായി ശ്രിന്ദ അഭിനയിച്ച് റിലീസായ ചിത്രം.
