വണ്ടിത്താവളം: കെകഐംഎച്ച്എസ്എസ് സ്കൂൾ കോന്പൗണ്ടിനുസമീപം തന്പടിച്ചിരിക്കുന്ന തെരുവുനായക്കൂട്ടം സ്കൂളിലെത്തുന്ന വിദ്യാർഥികൾക്ക് അപകടഭീഷണി. രണ്ടുമാസത്തോളം സ്കൂൾ അടച്ചുകിടന്നതിനാൽ തെരുവുനായ്ക്കൾ പതിവായി അന്തിയുറങ്ങുന്നത് സ്കൂൾ കോന്പൗണ്ടിലാണ്.
മുന്പ് സ്കൂളിനകത്ത് പുല്ലുതിന്നുകയായിരുന്ന രണ്ടാടുകളെ തെരുവുനായ്ക്കൾ കൂട്ടത്തോടെ ആക്രമിച്ചിരുന്നു. സ്കൂളിനു മുന്നിലെ പ്രധാനപാതയിൽ ഇരുചക്രവാഹന സഞ്ചാരികൾക്കും തെരുവുനായ്ക്കളുടെ ആക്രമണം ഭീതിപരത്തുകയാണ്.
കഴിഞ്ഞ രണ്ടുവർഷംമുന്പാണ് ടൗണിൽ തെരുവുനായ പിടിത്തം നടന്നത്. പിടികൂടിയ നായ്ക്കളെ വന്ധീകരണം നടത്തി വീണ്ടും ഇതേ സ്ഥലത്ത് വിട്ടിരുന്നു. ഈ സാഹചര്യത്തിൽ എത്രയുംവേഗം സ്കൂൾ കോന്പൗണ്ടിനുള്ളിലും സമീപത്തും തന്പടിച്ചിരിക്കുന്ന നായ്ക്കളെ ഒഴിവാക്കാൻ എത്രയുംവേഗം അധികൃതർ നടപടിയെടുക്കണമെന്ന ആവശ്യം ശക്തമാണ്.
