കൊച്ചി: കടവന്ത്ര ജിസിഡിഎയ്ക്കു മുന്നില്‍ വിദ്യാര്‍ഥിക്കുനേരേ ആക്രണം. തലയ്ക്ക് ഗുരുതരമായി പരിക്കേറ്റ പത്തനംതിട്ട സ്വദേശി ആദര്‍ശ് കളമശേരി മെഡിക്കല്‍ കോളജ് ആശുപത്രിയിൽ പ്രവേശിപ്പിച്ചു.
ആദര്‍ശ് കൊച്ചിയില്‍ ലോജിസ്റ്റ് കോഴ്‌സ് പഠിക്കുകയാണ്. ഇന്നലെ രാത്രി കടവന്ത്ര ജിസിഡിഎയ്ക്ക് മുന്നിലായിരുന്നു സംഭവം. രണ്ടു പേര്‍ ആദര്‍ശിനെ ക്രൂരമായി ആക്രമിക്കുകയായിരുന്നു.
തലയ്ക്കാണ് അടിയേറ്റത്. വിദ്യാര്‍ഥിയുടെ മൊബൈല്‍ ഫോണും സംഘം കവര്‍ച്ച ചെയ്തു. വിവരം അറിഞ്ഞ് ഉടന്‍തന്നെ കടവന്ത്ര പോലീസ് സ്ഥലത്ത് എത്തിയെങ്കിലും പ്രതികള്‍ ഓടിരക്ഷപ്പെട്ടു.
പ്രതികളുടെ സിസിടിവി ദൃശ്യങ്ങള്‍ ലഭിച്ചതായും ഇവരെ കണ്ടെത്തുന്നതിനായി അന്വേഷണം ഊര്‍ജിതമായി നടക്കുന്നുണ്ടെന്നും ഡിസിപി എസ്.ശശിധരന്‍ പറഞ്ഞു.
