ചെ​റു​പു​ഴ​യി​ൽ കാ​ട്ടാ​ന ആ​ക്ര​മ​ണ​ത്തി​ൽ വിദ്യാർഥി മരിച്ചു; അവധിക്ക് എബിൻ വീട്ടിലെത്തിയപ്പോഴായിരുന്നു ദാരുണസംഭവം

ചെ​റു​പു​ഴ: ചെ​റു​പു​ഴ പ​ഞ്ചാ​യ​ത്തി​ലെ രാ​ജ​ഗി​രി​യി​ൽ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ യു​വാ​വ് മരിച്ചു.​ വാ​ഴ​ക്കു​ണ്ടം സെ​വ​ൻ​സ് സ്വ​ദേ​ശി​യാ​യ കാ​ട്ടാ​ത്ത് എ​ബി​ൻ സെ​ബാ​സ്റ്റ്യ​ൻ (22) ആ​ണ് കൊ​ല്ല​പ്പെ​ട്ട​ത്.

രാ​ജ​ഗി​രി​യി​ൽ ത​ച്ചി​ലേ​ട​ത്ത് ഡാ​ർ​വി​ന്‍റെ കൃ​ഷി​യി​ട​ത്തി​ലാ​ണ് പു​ല​ർ​ച്ചെ ആ​റോ​ടെ എ​ബി​നെ പ​രി​ക്കേ​റ്റനി​ല​യി​ൽ ക​ണ്ട​ത്. ഉ​ട​ൻത​ന്നെ ചെ​റു​പു​ഴ സ​ഹ​ക​ര​ണ ആ​ശു​പ​ത്രി​യി​ലും തു​ട​ർ​ന്ന് പ​രി​യാ​രം ക​ണ്ണൂ​ർ മെ​ഡി​ക്ക​ൽ കോ​ള​ജി​ലും പ്രവേശിപ്പിച്ചെങ്കി​ലും മ​രി​ക്കു​ക​യാ​യി​രു​ന്നു.

എ​റ​ണാ​കു​ള​ത്ത് ഹോ​ട്ട​ൽ മാ​നേ​ജ്മെ​ന്‍റ് പ​ഠി​ക്കു​ക​യാ​യി​രു​ന്ന എ​ബി​ൻ ഒ​രാ​ഴ്ച മു​ൻ​പാ​ണ് നാ​ട്ടി​ലെ​ത്തി​യ​ത്. വാ​ഴ​ക്ക​ണ്ട​ത്തെ കാ​ട്ടാ​ത്ത് ഷാ​ജു​വി​ന്‍റെ​യും സ​ജി​നി​യു​ടെ​യും മ​ക​നാ​ണ്.

ഏ​ക സ​ഹോ​ദ​ര​ൻ ബി​ബി​ൻ. ചെ​റു​പു​ഴ പ​ഞ്ചാ​യ​ത്തി​ലെ രാ​ജ​ഗി​രി, കാ​നം​വ​യ​ൽ, കോ​ഴി​ച്ചാ​ൽ ഈ​സ്റ്റ് തു​ട​ങ്ങി​യ പ്ര​ദേ​ശ​ങ്ങ​ളി​ൽ കാ​ട്ടാ​ന ശ​ല്യം രൂ​ക്ഷ​മാ​ണ്.

ക​ർ​ണാ​ട​ക വ​ന​ത്തി​ൽനി​ന്നാ​ണ് കാ​ട്ടാ​ന​ക​ൾ കൃ​ഷി​യി​ട​ങ്ങ​ളി​ലെ​ത്തു​ന്ന​ത്‌. ചി​ല ഭാ​ഗ​ങ്ങ​ളി​ൽ കാ​ര്യ​ങ്കോ​ട് പു​ഴ ക​ട​ന്നാ​ണ് കാ​ട്ടാ​ന​ക​ൾ എ​ത്തു​ന്ന​ത്.