ക്ലാസിൽ താമസിച്ചെത്തിയതിന് വിദ്യാർഥികൾക്ക് അധ്യാപകന്‍റെ ക്രൂരമർദനം. ജമ്മു കാഷ്മീരിലെ ദോഡ ജില്ലയിലാണ് സംഭവം. 10 മിനിറ്റ് താമസിച്ച് സ്കൂളിലെത്തിയ വിദ്യാർഥികളെ അധ്യാപകൻ ചൂരൽകൊണ്ട് ക്രൂരമായി അടിക്കുകയായിരുന്നു.
ഗുജ്ജാര്‍-ബേക്കര്‍വാള്‍ ഹോസ്റ്റൽ ക്ലാസ് മുറിയിലാണ് സംഭവം. താമസിച്ചെത്തിയതിന് വിദ്യാർഥികളെ കൂട്ടത്തോടെ തലകുനിഞ്ഞ് നിർത്തിയാണ് നിർദാക്ഷണ്യം തല്ലിയത്. മുറിപ്പാടുകളുമായി കുട്ടികളുടെ ചിത്രങ്ങൾ വാർത്ത ഏജൻസി എഎൻഐ പുറത്തുവിട്ടിട്ടുണ്ട്.
അധ്യാപകൻ കുറ്റം സമ്മതിച്ചതായി ചൈൽഡ് ലൈൻ വിഭാഗം കോർഡിനേറ്റർ പറഞ്ഞു. അധ്യാപകനോടു ചൈൽഡ് വെൽഫെയർ കമ്മിറ്റിക്ക് മുന്നിൽ ഹാജരാകാൻ ആവശ്യപ്പെട്ടിട്ടുണ്ട്. അല്ലാത്തപക്ഷം കർശന നടപടി എടുക്കുമെന്നും കോർഡിനേറ്റർ അറിയിച്ചു.
J&K: Students were beaten up by a teacher allegedly for turning up 10 minutes late for classes at Gujjar&Bakerwal Hostel, Doda. Coordinator Child Line Dept says,”Teacher has confessed, he has been asked to appear before Child Welfare Committee or else strict action will be taken” pic.twitter.com/beGsN9IiQn
— ANI (@ANI) June 20, 2019
