കടുത്തുരുത്തി: ഫേസ് ബുക്ക് പരിചയം, ഒന്പതാം ക്ലാസുകാരി 21 വയസുകാരന്‍റെ കൂടെ കറങ്ങാൻ പോയി. പോലീസിന്‍റെ അവസരോചിതമായ ഇടപെടലിൽ മണിക്കൂറുകൾക്കുള്ളിൽ വൈക്കത്തുനിന്ന് ഇരുവരെയും പിടികൂടി. കടുത്തുരുത്തിക്ക് സമീപമുള്ള ഒരു സ്കൂളിലെ വിദ്യാർഥിനിയാണ് കാലടി സ്വദേശിയായ യുവാവിന്‍റെ കൂടെ കറങ്ങാൻ പോയത്.
രാവിലെ 9.30 ഓടെയാണ് പെണ്‍കുട്ടി സ്കൂളിന് സമീപത്തു നിന്നു യുവാവിന്‍റെ ബൈക്കിൽ കയറിപ്പോയത്. തുടർന്ന് വിദ്യാഥിനിയെയും യുവാവിനെയും പതിനൊന്ന് മണിയോടെ വൈക്കത്തുനിന്നു പോലീസ് പിടികൂടുകയായിരുന്നു. ഫേസ് ബുക്കിലൂടെ യുവാവിനെ പരിചയപ്പെട്ട പെണ്‍കുട്ടി രാവിലെ വീട്ടിൽ നിന്നും ഇറങ്ങിയപ്പോൾ യുവാവിന് സന്ദേശം കൈമാറി.
ഇതനുസരിച്ചാണ് യുവാവ് ബൈക്കുമായി സ്കൂളിന് സമീപമെത്തിയത്. യുവാവിന്‍റെ ഫോണ് നന്പർ പിന്തുടർന്നാണ് ഇരുവരെയും പോലീസ് പിടികൂടിയത്. പെണ്ണിന്‍റെ വീട്ടുകാർക്ക് പരാതിയില്ലന്നറിയിച്ചതിനാൽ യുവാവിനെ താക്കീത് ചെയ്ത ശേഷം പറഞ്ഞു വിടുകയായിരുന്നു.
