ഭൂവനേശ്വർ: ഒഡീഷയില്‍ അഴുക്കുചാലില്‍ വീണ് വിദ്യാര്‍ഥിയെ കാണാതായി. ഭൂവനേശ്വറില്‍ ഞായറാഴ്ചയാണ് സംഭവം. പത്താം ക്ലാസ് വിദ്യാര്‍ഥിയായ ജ്യോതിര്മയ ബെഹ്‌റ(15) എന്ന കുട്ടിയാണ് സൈക്കിളില്‍ റ്റ്യൂഷന് പോകുന്ന വഴി അഴുക്കു ചാലില്‍ വീണത്.
കുട്ടി വീണതിന് പിന്നാലെ തെരച്ചില്‍ ആരംഭിച്ചുവെങ്കിലും ഇതുവരെയും കണ്ടെത്താന്‍ സാധിച്ചില്ല. കനത്ത മഴയെ തുടര്‍ന്ന് അഴുക്കു ചാലില്‍ നിറയെ മഴവെള്ളമാണ്.
വീണയുടന്‍ തന്നെ കുട്ടി ഒഴുകി പോയിരിക്കാമെന്നാണ് പ്രദേശവാസികള്‍ പറയുന്നത്. കുട്ടിയെ കണ്ടെത്താന്‍ രക്ഷാപ്രവര്‍ത്തനം പുരോഗമിക്കുകയാണ്.
