കൊച്ചി: തൃപ്പൂണിത്തറയില്‍ പ്ലസ് വണ്‍ വിദ്യാര്‍ഥിനിക്ക് നേരെ അധ്യാപകന്‍റെ ലൈംഗികാതിക്രമം. കലോത്സവത്തില്‍ പങ്കെടുത്ത് മടങ്ങുമ്പോള്‍ അധ്യാപകന്‍ അപമര്യാദയായി പെരുമാറിയെന്നാണ് പരാതി.
സംഭവദിവസം കൊച്ചിൽ സ്വകാര്യ ബസ് സമരമായതിനാല്‍ അധ്യാപകനൊപ്പമാണ് പെണ്‍കുട്ടി കലോത്സവത്തില്‍ പങ്കെടുക്കാന്‍ പോയത്.
മടങ്ങിവരുമ്പോള്‍ ഇയാള്‍ മോശമായി സംസാരിക്കുകയും സ്വകാര്യ ഭാഗത്ത് സ്പര്‍ശിക്കുകയും ചെയ്‌തെന്നാണ് പരാതി.
സംഭവത്തില്‍ തൃപ്പൂണിത്തറ ഹില്‍പാലസ് പോലീസ് അന്വേഷണം ആരംഭിച്ചു. സ്‌കൂളിലെ ഗസ്റ്റ് അധ്യാപകനായ പട്ടിമറ്റം സ്വദേശി കിരണ്‍ ആണ് കേസിലെ പ്രതി.
കിരണ്‍ ഇപ്പോള്‍ ഒളിവിലാണെന്നും ഇയാള്‍ക്കായുള്ള തിരച്ചില്‍ ആരംഭിച്ചതായും പോലീസ് അറിയിച്ചു.
