മണ്ണാർക്കാട്: മണ്ണാർക്കാട് ഉപജില്ലാ കലോത്സവത്തിനിടെ കൂട്ടത്തല്ല്. സമ്മാനദാന വിതരണം നടത്തുമ്പോൾ സദസിനിടയിൽ പടക്കംപൊട്ടിയതിനെ തുടർന്നാണ് അധ്യാപകരും രക്ഷിതാക്കളും തമ്മിൽ സംഘർഷമുണ്ടായത്.
ഇന്നലെ രാത്രിയണ് സംഭവം. ഡി എച്ച് എസ് സ്കൂളിലായിരുന്നു കലോത്സവം നടക്കുന്നത്. പരിപാടികൾക്ക് ശേഷം വൈകിട്ടായിരുന്നു സമ്മാന വിതരണം.
ഇതിനിടയിൽ സദസിനിടയിൽ പെട്ടന്ന് പടക്കം പൊട്ടുകയായിരുന്നു. ഇത് ചോദ്യം ചെയ്തതാണ് തർക്കത്തിനിടയായത്.
തുടർന്ന് അധ്യാപകരും വിദ്യാർഥികളും രക്ഷിതാക്കളും തമ്മിൽ കൂട്ടത്തല്ല് നടക്കുകയായിരുന്നു. പിന്നാലെ സംഘർഷം നിയന്ത്രിക്കാൻ പോലീസ് ലാത്തി വീശി. തുടർന്നാണ് സംഘർഷം കുറഞ്ഞത്.
പടക്കം പൊട്ടിച്ച സംഭവത്തിൽ കണ്ടാലറിയുന്ന ചിലർക്കെതിരെ പോലീസ് കേസെടുത്തിട്ടുണ്ട്. എന്നാൽ ആരാണ് പടക്കം പൊട്ടിച്ചതിന് പിന്നിലെന്ന് കൃത്യമായ ധാരണ ഇതുവരെ വന്നില്ല.
