ജീവിതമാർഗമായിരുന്ന പത്ത് ആടുകൾ  ഭ​ക്ഷ്യവി​ഷ​ബാ​ധ​യേ​റ്റ് ചത്തു; ദാ​സ​നും സു​ശീ​ല​യ്ക്കും ആ​ടി​നെ വാ​ങ്ങി ന​ൽ​കി സു​ഭി​ക്ഷ ഹോ​ട്ട​ലി​ലെ തൊ​ഴി​ലാ​ളി​ക​ൾ

പെ​രി​ഞ്ഞ​നം: ജീ​വി​തം വ​ഴി​മു​ട്ടി​യ ത​റ​യി​ൽ ദാ​സ​നും സു​ശീ​ല​യ്ക്കും ആ​ടി​നെ വാ​ങ്ങി ന​ൽ​കി നാ​ടി​ന്‍റെ വി​ശ​പ്പ​ക​റ്റു​ന്ന പെ​രി​ഞ്ഞ​നം സു​ഭി​ക്ഷ ഹോ​ട്ട​ലി​ലെ തൊ​ഴി​ലാ​ളി​ക​ൾ മാ​തൃ​ക​യാ​യി.

ശാ​രീ​രി​ക അ​വ​ശ​ത​ക​ൾ മൂ​ലം ദീ​ർ​ഘ​കാ​ല​മാ​യി ജോ​ലി​ക്ക് പോ​കാ​നാ​വാ​ത്ത ത​റ​യി​ൽ ദാ​സ​ന്‍റെ ഭാ​ര്യ സു​ശീ​ല ആ​ടി​നെ വ​ള​ർ​ത്തി​യാ​ണ് കു​ടും​ബം പു​ല​ർ​ത്തി​യി​രു​ന്ന​ത്.

പെ​രി​ഞ്ഞ​നം ഒ​ന്നാം വാ​ർ​ഡ് നി​വാ​സി​ക​ളാ​യ ഇ​വ​ർ​ക്ക് മ​റ്റു വ​രു​മാ​ന മാ​ർഗ​ങ്ങ​ളൊ​ന്നു​മി​ല്ല കു​ടും​ബം വ​ള​ർ​ത്തി​യി​രു​ന്ന 10 ആ​ടു​ക​ളി​ൽ ഒ​ന്പ​തെ​ണ്ണ​വും ഭ​ക്ഷ്യവി​ഷ​ബാ​ധ​യേ​റ്റ് ഈ​യി​ടെ  ചത്തുപോയിരുന്നു

പെ​ട്ടെ​ന്നൊ​രു ദി​വ​സം ജീ​വി​തോ​പാ​ധി ന​ഷ്ട​പ്പെ​ട്ട ഇ​വ​ർ എ​ന്ത് ചെ​യ്യ​ണ​മെ​ന്ന​റി​യാ​തെ സ്തം​ഭി​ച്ച് നി​ൽ​ക്ക​വേ​യാ​ണ് പെ​രി​ഞ്ഞ​നം പ​ഞ്ചാ​യ​ത്തി​ൽ സു​ഭി​ക്ഷ ഹോ​ട്ട​ൽ ന​ട​ത്തു​ന്ന സ​ഹോ​ദ​രി​മാ​ർ ചേ​ർ​ന്ന് ഒ​രാ​ടി​നെ വാ​ങ്ങി ന​ൽ​കി സ​ഹ​ജീ​വി സ്നേ​ഹ​ത്തി​ന്‍റെ പു​തി​യ അ​ധ്യാ​യം ര​ചി​ച്ച​ത്.

മൃ​ദു​ല ഗി​രീ​ഷ്, സ​മി​ത ഷാ​ജി, സീ​ന സു​ധീ​ർ, സ​രി​ത, സു​ജ, ബി​ന്ദു ലോ​ഹി​താ​ക്ഷ​ൻ, അ​ജി​ത എ​ന്നി​വ​ർ​ക്കൊ​പ്പം ആ​ടി​നെ കൈ​മാ​റു​ന്ന ച​ട​ങ്ങി​ൽ ബ്ലോ​ക്ക് പ​ഞ്ചാ​യ​ത്തം​ഗം ആ​ർ.​കെ.​ ബേ​ബി, പി.​എ​സ്. സു​രേ​ഷ് തു​ട​ങ്ങി​യ​വ​രും പ​ങ്കെ​ടു​ത്തു.