ആ രാത്രിയിൽ സംഭവച്ചതെന്ത്..! പോ​ലീ​സി​നെ കണ്ടു പേ​ടി​ച്ചോ​ടി​യ യുവാവ് കിണറ്റിൽ വീണു മരിച്ച സംഭവം; ദു​രൂ​ഹ​ത​യു​ണ്ടോ​യെ​ന്ന് അന്വേഷി​ക്കും, മൃ​ത​ദേ​ഹം ബന്ധുക്കൾക്ക് വി​ട്ടു​കൊ​ടു​ത്തു

തൃ​ശൂ​ർ: ന​ഗ​ര​ത്തി​ൽ പോ​ലീ​സി​നെ ക​ണ്ട് പേ​ടി​ച്ചോ​ടി​യ കോ​ട്ട​യം ചി​ങ്ങ​വ​നം പോ​ള​ച്ചി​റ കാ​ഞ്ഞി​ര​ത്ത​റ സാ​ബു​വി​ന്‍റെ മ​ക​ൻ സ​ജി​ൻ(19) കിണറ്റിൽ വീണു മരിച്ച സംഭവത്തിൽ ഈ​സ്റ്റ് പോ​ലീ​സ് കേ​സെ​ടു​ത്തു. സ​ജി​നെ കാ​ണാ​നി​ല്ലെ​ന്ന പ​രാ​തി​യി​ലാ​ണ് കേ​സെ​ടു​ത്തി​രി​ക്കു​ന്ന​ത്. മ​ര​ണ​ത്തി​ൽ എ​ന്തെ​ങ്കി​ലും ദു​രൂ​ഹ​ത​യു​ണ്ടോ​യെ​ന്നും പോ​ലീ​സ് അ​ന്വേ​ഷി​ക്കും. മൃ​ത​ദേ​ഹം മെ​ഡി​ക്ക​ൽ കോ​ള​ജി​ൽ പോ​സ്റ്റു​മോ​ർ​ട്ട​ത്തി​നു​ശേ​ഷം രാ​വി​ലെ പ​ത്ത​ര​യോ​ടെ ബ​ന്ധു​ക്ക​ൾ​കോ​ട്ട​യ​ത്തേ​ക്ക് കൊ​ണ്ടു​പോ​യി. സ​ജി​ന്‍റെ മാ​താ​പി​താ​ക്ക​ൾ ഇ​ന്ന​ലെ തന്നെ ​ഇ​വി​ടെ​യെ​ത്തി​യി​രു​ന്നു.

ക​ഴി​ഞ്ഞ തിങ്കളാഴ്ച ​രാ​ത്രി​യാ​ണ് സം​ഭ​വം. പ്ല​സ്ടു പ​ഠ​നം ക​ഴി​ഞ്ഞു പാ​ർ​ട്ട് ടൈം ​ജോ​ലി​ക്കാ​യാ​ണ് സ​ജി​നും കൂ​ട്ടു​കാ​രും തൃ​ശൂ​രി​ലെ​ത്തി​യ​ത്. രാ​ത്രി മു​റി​യെ​ടു​ത്ത​തി​നു​ശേ​ഷം കൂ​ട്ടു​കാ​രു​മാ​യി ഭ​ക്ഷ​ണം ക​ഴി​ക്കാ​ൻ ചെ​ട്ടി​യ​ങ്ങാ​ടി​യി​ൽ വ​ന്ന് മ​ട​ങ്ങു​ന്ന​തി​നി​ടെ ഭി​ന്ന​ലിം​ഗ​ക്കാ​രാ​യ സം​ഘം യു​വാ​ക്ക​ളു​മാ​യി ത​ർ​ക്കി​ക്കു​ന്ന​തു ക​ണ്ടു. ഇ​തി​നി​ടെ പോ​ലീ​സ് വ​ന്ന​പ്പോ​ൾ പേ​ടി​ച്ച് സ​ജി​നും കൂ​ട്ടു​കാ​ര​നും ഓ​ടു​ക​യാ​യി​രു​ന്നു​വെ​ന്ന് സു​ഹൃ​ത്ത് പോ​ലീ​സി​നോ​ട് പ​റ​ഞ്ഞി​രു​ന്നു.

രാ​ത്രി​യാ​യി​ട്ടും സ​ജി​നെ കാ​ണാ​താ​യ​തോ​ടെ​യാ​ണ് പോ​ലീ​സി​ൽ പ​രാ​തി ന​ൽ​കി​യ​ത്. സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച​പ്പോ​ഴാ​ണ് സ​ജി​ൻ ഓ​ടി മ​റ​യു​ന്ന​ത് ശ്ര​ദ്ധ​യി​ൽ പെ​ട്ട​ത്. പി​ന്നീ​ട് ഈ ​ഭാ​ഗ​ത്ത് അ​ന്വേ​ഷി​ച്ച​പ്പോ​ൾ സ്വ​കാ​ര്യ വ്യ​ക്തി​യു​ടെ കി​ണ​റി​ൽ മ​രി​ച്ചു​കി​ട​ക്കു​ന്ന​ത് ഇ​ന്ന​ലെ ഉ​ച്ച​യോ​ടെ ക​ണ്ടെ​ത്തി​യ​ത്. പോ​ളി​ടെ​ക്നി​ക് കോ​ള​ജി​ൽ പ്ര​വേ​ശ​നം കാ​ത്തി​രി​ക്ക​യാ​യി​രു​ന്നു സ​ജി​ൻ. പ്ര​വേ​ശ​നം കി​ട്ടു​ന്ന​തി​ന്‍റെ ഇ​ട​വേ​ള​യി​ൽ പാ​ർ​ട് ടൈം ​ജോ​ലി ചെ​യ്യാ​നാ​ണ് സ​ജി​നും കൂ​ട്ടു​കാ​രും തൃ​ശൂ​രി​ലെ​ത്തി​യ​ത്.