യു​വ​തി​യെ കൊ​ല​പ്പെ​ടു​ത്തി കു​ഴി​ച്ചു​മൂ​ടി​യ കേ​സ്: ആസൂത്രിതമായ കൊലപാതകമെന്ന് പോലീസ്; പ്ര​തിയുടെ ഭാര്യ കൊല്ലപ്പെട്ട സുചിത്രയുടെ ബന്ധു;​ ആ​ശ​ങ്ക​യൊ​ഴി​യാ​തെ യു​വ​തി​യു​ടെ ബ​ന്ധു​ക്ക​ൾ

കൊ​ല്ലം :മു​ഖ​ത്ത​ല സ്വ​ദേ​ശി​നി​യാ​യ യു​വ​തി പാ​ല​ക്കാ​ട്ട് കൊ​ല്ല​പ്പെ​ട്ട കേ​സി​ലെ പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.​പാ​ല​ക്കാ​ട് കോ​ങ്ങാ​ട് സ്കൂ​ളി​ലെ അ​ധ്യാ​പ​ക​നാ​യ പ്ര​ശാ​ന്തി​നെ​യാ​ണ് റി​മാ​ൻഡ് ചെ​യ്ത​ത്.​മു​ഖ​ത്ത​ല ശ്രീ ​വി​ഹാ​റി​ൽ ശി​വ​ദാ​സ​ൻ പി​ള്ള​യു​ടെ മ​ക​ൾ സു​ചി​ത്ര പി​ള്ള​യാ​ണ് കൊ​ല്ല​പ്പെ​ട്ട​ത്.​

പ്ര​ശാ​ന്തി​നെ ക​സ്റ്റ​ഡി​യി​ൽ വാ​ങ്ങാ​നു​ള്ള ന​ട​പ​ടി തു​ട​ങ്ങി​യ​താ​യി അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ കൊ​ല്ലം ക്രൈം​ബ്രാ​ഞ്ച് എ​സി പി ​ഗോ​പ​കു​മാ​ർ പ​റ​ഞ്ഞു. കൊ​ല​പാ​ത​ക​ത്തി​ലേ​ക്ക് ന​യി​ച്ച സാ​ഹ​ച​ര്യ​ങ്ങ​ളെ​ക്കു​റി​ച്ച് ചി​ല സൂ​ച​ന​ക​ൾ ല​ഭി​ച്ചെ​ങ്കി​ലും പ്ര​തി​യെ ക​സ്റ്റ​ഡി​യി​ൽ വാ​ങ്ങി കൂ​ടു​ത​ൽ ചോ​ദ്യം ചെ​യ്യു​ന്ന​തോ​ടെ മാ​ത്ര​മെ വ്യ​ക്ത​ത വ​രി​ക​യു​ള്ളു​വെ​ന്നും അ​ദ്ദേ​ഹം പ​റ​ഞ്ഞു.

​പ്ര​ശാ​ന്ത് വാ​ട​ക​യ്ക്ക് താ​മ​സി​ച്ചു വ​ന്ന വീ​ടി​ന്‍റെ പ​രി​സ​ര​ത്തെ ച​തു​പ്പി​ൽ നി​ന്നാ​ണ് മൃ​ത​ദേ​ഹം ക​ണ്ടെ​ടു​ത്ത​ത്. കൈ​ക​ൾ മു​ന്നോ​ട്ട് കൂ​ട്ടി കെ​ട്ടി​യ നി​ല​യി​ൽ കാ​ണ​പ്പെ​ട്ട മൃ​ത​ദേ​ഹം അ​ഴു​കി​യ നി​ല​യി​ലാ​യി​രു​ന്നു.​കാ​ലു​ക​ൾ മു​റി​ച്ചു​മാ​റ്റാ​നു​ള്ള ശ്ര​മ​ങ്ങ​ളു​ടെ അ​ട​യാ​ള​ങ്ങ​ളും ക​ണ്ടി​രു​ന്നു. ഏ​ക​ദേ​ശം ര​ണ്ട​ര​യ​ടി താ​ഴ്ച​യി​ലാ​ണ് മൃ​ത​ദേ​ഹം കാ​ണ​പ്പെ​ട്ട​ത്.​

പ്ര​ശാ​ന്ത് ത​നി​ച്ചാ​ണോ കൊ​ലന​ട​ത്തി കു​ഴി​ച്ചു​മൂ​ടി​യതെ​ന്നും ക​ണ്ടെ​ത്തേ​ണ്ടി​യി​രി​ക്കു​ന്നു.​ഇ​യാ​ൾ താ​മ​സി​ക്കു​ന്ന വീ​ടി​ന് സ​മീ​പ​ത്തെ സിസിടിവി ദൃ​ശ്യ​ത്തി​ൽ സു​ചി​ത്ര വീ​ട്ടി​ലേ​ക്ക് ക​യ​റി പോ​കു​ന്ന ചി​ത്രം ക​ണ്ടി​രു​ന്നു.​എ​ന്നാ​ൽ ഇ​വ​ർ പു​റ​ത്തേ​ക്ക് വ​രു​ന്ന ചി​ത്ര​മി​ല്ലാ​തി​രു​ന്ന​തും കേ​സ​ന്വേ​ഷ​ണ​ത്തി​ന് സ​ഹാ​യ​ക​മാ​യി. സു​ചി​ത്ര​യു​ടെ മൊ​ബൈ​ൽ ഫോ​ണി​ലെ ന​മ്പ​ർ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​മാ​ണ് പ്ര​ശാ​ന്തി​ലെ​ത്തി​ച്ച​ത് .

അ​ന്വേ​ഷ​ണം വ​ഴി​തി​രി​ച്ചു​വി​ടാ​ൻ ചി​ല ശ്ര​മ​ങ്ങ​ളൊ​ക്കെ ന​ട​ത്തി​യെ​ങ്കി​ലും സാ​ഹ​ച​ര്യ​തെ​ളി​വു​ക​ൾ പ്ര​ശാ​ന്തി​നെ കു​ടു​ക്കു​വാ​ൻ ഇ​ട​യാ​ക്കി.​ആ​സൂ​ത്രിതമാ​യ കൊ​ല​പാ​ത​ക​മാ​ണെ​ന്നാ​ണ് അ​ന്വേ​ഷ​ണ സം​ഘം പ​റ​യു​ന്ന​ത്.​സു​ചി​ത്ര പാ​ല​ക്കാ​ട്ടെ വീ​ട്ടി​ലേ​ക്ക് വ​രു​ന്ന​തി​ന് മു​മ്പു​ത​ന്നെ വീ​ട്ടി​ലെ വൃ​ദ്ധ​രാ​യ മാ​താ​പി​താ​ക്ക​ളെ ബ​ന്ധു​വീ​ട്ടി​ലേ​ക്ക് മാ​റ്റി​യി​രു​ന്നു.​

പെ​ട്രോ​ളും വാ​ങ്ങി വീ​ട്ടി​ൽ സൂ​ക്ഷി​ക്കു​ക​യും ചെ​യ്ത​തി​ലൂ​ടെ കൊ​ല​പാ​ത​കം ആ​സൂ​ത്രി​ത​മെ​ന്ന് വ്യ​ക്തം. പെ​ട്രോ​ൾ ഒ​ഴി​ച്ച് മൃ​ത​ദേ​ഹം ​ക​ത്തി​ക്കാ​നാ​യി​രു​ന്നു തീ​രു​മാ​ന​മെ​ന്നും പി​ന്നീ​ട​ത് മാ​റ്റു​ക​യാ​യി​രു​ന്നു​വെ​ന്നും പ്ര​തി ത​ന്നെ സ​മ്മ​തി​ച്ചി​രു​ന്നു. കൊ​ല​പാ​ത​ക​ത്തി​നു ശേ​ഷം വീ​ട് ക​ഴു​കി വൃ​ത്തി​യാ​ക്കി​യ ശേ​ഷ​മാ​ണ് മാ​താ​പി​താ​ക്ക​ളെ കൂ​ട്ടി​ക്കൊ​ണ്ടു വ​ന്ന​ത്.

സു​ചി​ത്ര​യെ കാ​ണാ​താ​യ​ത് സം​ബ​ന്ധി​ച്ച് പോ​ലീ​സി​ൽ മാ​താ​വ് പ​രാ​തി ന​ൽ​കി​യെ​ങ്കി​ലും വേ​ണ്ട രീ​തി​യി​ൽ അ​ന്വേ​ഷ​ണം ന​ട​ക്കാ​ത്ത​തി​നാ​ൽ അ​വ​ർ ഹൈ​ക്കോ​ട​തി​യി​ൽ ഹേ​ബി​യ​സ് കോ​ർ​പ്പ​സ് ഹ​ർ​ജി ന​ൽ​കി.​തു​ട​ർ​ന്ന് സി​റ്റി പോ​ലീ​സ് ക​മ്മീ​ഷ​ണ​ർ ഇ​ട​പെ​ട്ട് കേ​സ് അന്വേ​ഷ​ണം ഊ​ർ​ജി​ത​മാ​ക്കു​ക​യാ​യി​രു​ന്നു .

പ​ഴു​ത​ട​ച്ചു​ള്ള അ​ന്വേ​ഷ​ണ​മാ​ണ് പി​ന്നീ​ട് പോ​ലീ​സ് ന​ട​ത്തി​യ​ത്.​സു​ചി​ത്ര​യു​ടെ കൊ​ല​പാ​ത​കം ജ​ന്മ​നാ​ടാ​യ മു​ഖ​ത്ത​ല​യെ ന​ടു​ക്കി​യി​രി​ക്കു​ക​യാ​ണ്.​കു​ടും​ബ സു​ഹൃ​ത്താ​യ പ്ര​ശാ​ന്താ​ണ് കൊ​ല ന​ട​ത്തി​യ​തെ​ന്ന് മാ​താ​പി​താ​ക്ക​ൾ​ക്ക് വി​ശ്വ​സി​ക്കാ​നാ​യി​ട്ടി​ല്ല. അ​ത്ര​യ്ക്ക് സൗ​മ്യ​നാ​യി​രു​ന്നു പ്ര​ശാ​ന്ത് അ​വ​രു​ടെ മു​ന്നി​ൽ.​പ്ര​ശാ​ന്തി​ന്‍റെ ഭാ​ര്യ സു​ചി​ത്ര​യു​ടെ അ​ക​ന്ന ബ​ന്ധു​വാ​ണ്.