വി.​എം.​സു​ധീ​ര​ന്‍റെ കാ​ര്യം: കെ​പി​സി​സി​ക്ക് താ​ല്​പ​ര്യ​മി​ല്ല; ഹൈക്കമാൻഡ് ഇടപെടൽ നടക്കട്ടെ…

ജോ​ണ്‍​സ​ണ്‍ വേ​ങ്ങ​ത്ത​ടം
കോ​ട്ട​യം: എ​ഐ​സി​സി അം​ഗ​ത്വം കൂ​ടി രാ​ജി വ​ച്ച​തോ​ടെ വി.​എം.​സു​ധീ​ര​ന്‍റെ കാ​ര്യ​ത്തി​ൽ ഹൈ​ക്ക​മാ​ൻ​ഡ് ഇ​ട​പെ​ട​ട്ടെ എ​ന്ന നി​ല​പാ​ടു​മാ​യി കെ​പി​സി​സി. ഹൈ​ക്ക​മാ​ൻ​ഡ് ഇ​ട​പെ​ട്ടു പ്ര​ശ്ന​പ​രി​ഹാ​രം ഉ​ണ്ടാ​ക്കി​യാ​ൽ മ​തി​യെ​ന്ന നി​ല​പാ​ടാ​ണ് കെ​പി​സി​സി നേ​തൃ​ത്വം സ്വീ​ക​രി​ച്ചി​രി​ക്കു​ന്ന​ത്.

രാ​ഷ്ട്രീ​യ​കാ​ര്യ​സ​മ​തി​യി​ൽ നി​ന്നും രാ​ജി വ​ച്ച​പ്പോ​ൾ പ്ര​തി​പ​ക്ഷ​നേ​താ​വ് വി.​ഡി. സ​തീ​ശ​ൻ സം​സാ​രി​ച്ചെ​ങ്കി​ലും പി​ന്നീ​ട് പ്ര​ശ്ന​പ​രി​ഹാ​ര​ത്തി​നു സു​ധീ​ര​ൻ ത​യാ​റാ​കാ​തെ എ​ഐ​സി​സി അം​ഗ​ത്വ​വും രാ​ജി വ​യ്ക്കു​ക​യാ​യി​രു​ന്നു. ഈ ​വി​ഷ​യ​ത്തി​ൽ കെ​പി​സി​സി​യും വി​ട്ടു​വീ​ഴ്ച​യ്ക്കി​ല്ലെ​ന്ന നി​ല​പാ​ടു​മാ​യി​ട്ടാ​ണ് നേ​തൃ​ത്വം മു​ന്നോ​ട്ടു പോ​കു​ന്ന​ത്.

കേ​ര​ള​ത്തി​ന്‍റെ ചു​മ​ത​ല​യു​ള്ള എ​ഐ​സി​സി ജ​ന​റ​ൽ സെ​ക്ര​ട്ട​റി താ​രി​ഖ് അ​ൻ​വ​റു​മാ​യി കൂ​ടി​ക്കാ​ഴ്ച ന​ട​ത്തി​യി​ട്ടും വി​ട്ടു​വീ​ഴ്ച ചെ​യ്യാ​ൻ സു​ധീ​ര​ൻ ത​യാ​റാ​യി​ട്ടി​ല്ല. കോ​ണ്‍​ഗ്ര​സി​നെ സ​മ​ർ​ദ​ത​ന്ത്ര​ത്തി​ൽ​പ്പെ​ടു​ത്തി കെ​പി​സി​സി പു​നഃ​സം​ഘ​ട​ന​യി​ൽ ത​ന്‍റെ ആ​ളു​ക​ൾ​ക്കു കൂ​ടു​ത​ൽ സ്ഥാ​ന​മാ​ന​ങ്ങ​ൾ ല​ഭി​ക്കാ​നു​ള്ള നീ​ക്ക​മാ​യി​ട്ടാ​ണ് കേ​ര​ള​ത്തി​ലെ കോ​ണ്‍​ഗ്ര​സ് നേ​തൃ​ത്വം സു​ധീ​ര​ന്‍റെ നി​ല​പാ​ടി​നെ കാ​ണു​ന്ന​ത്.

ഹൈ​ക്ക​മാ​ൻ​ഡ് അ​നു​ന​യ​നീ​ക്ക​ത്തി​നി​റ​ങ്ങു​മെ​ന്ന പ്ര​തീ​ക്ഷ​യി​ലാ​ണ് സു​ധീ​ര​നും. ദേ​ശീ​യ നേ​തൃ​ത്വ​ത്തി​ൽ കൂ​ടു​ത​ൽ അ​വ​സ​ര​ങ്ങ​ൾ ല​ഭി​ക്കാ​നു​ള്ള സാ​ധ്യ​ത​യും അ​ദ്ദേ​ഹ​വു​മാ​യി അ​ടു​ത്ത നേ​താ​ക്ക​ൾ പ​ങ്കു​വ​യ്ക്കു​ന്നു​ണ്ട്. ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ കോ​ണ്‍​ഗ്ര​സി​ലെ മു​തി​ർ​ന്ന നേ​താ​ക്ക​ളെ പി​ണ​ക്കി മു​ന്നോ​ട്ടു പോ​കാ​ൻ ഹൈ​ക്ക​മാ​ൻ​ഡ് ത​യാ​റാ​കി​ല്ലെ​ന്ന വി​ശ്വാ​സ​ത്തി​ലാ​ണ് ഇ​വ​ർ.

ഉ​മ്മ​ൻ​ചാ​ണ്ടി​യും, ര​മേ​ശ് ചെ​ന്നി​ത്ത​ല​യും മു​ല്ല​പ്പ​ള്ളി​യും ഉ​ൾ​പ്പെ​ടു​ന്ന മു​തി​ർ​ന്ന നേ​താ​ക്ക​ൾ​ക്കു കേ​ര​ള​ത്തി​ലെ കോ​ണ്‍​ഗ്ര​സ് നേ​തൃ​ത്വ​ത്തോ​ടു വി​യോ​ജി​പ്പു​ണ്ട്. അ​ധി​കാ​രം കി​ട്ടി​യ​പ്പോ​ൾ ത​ങ്ങ​ളെ അ​പ​മാ​നി​ച്ചു​വെ​ന്ന വി​കാ​രം ഇ​വ​ർ പ​ല​പ്പോ​ഴാ​യി പ​ങ്കു​വ​ച്ചു ക​ഴി​ഞ്ഞു. സു​ധീ​ര​നും ഹൈ​ക്ക​മാ​ൻ​ഡി​ലാ​ണ് പ്ര​തീ​ക്ഷ വ​ച്ചി​രി​ക്കു​ന്ന​ത്. അ​തേ സ​മ​യം കെ​പി​സി​സി നേ​തൃ​ത്വ​ത്തെ രൂ​ക്ഷ​വി​മ​ർ​ശ​ന​ത്തി​നു വി​ധേ​യ​മാ​ക്കാ​നും അ​ദ്ദേ​ഹം മു​ന്നോ​ട്ടു വ​രു​ന്നു.

കേ​ര​ള​ത്തി​ലെ പാ​ർ​ട്ടി​യി​ൽ പു​തി​യ നേ​തൃ​ത്വം വ​ള​രെ പ്ര​തീ​ക്ഷ​യോ​ട് കൂ​ടി​യാ​ണ് വ​ന്ന​ത്. പ​ക്ഷേ ആ ​പ്ര​തീ​ക്ഷ​യ്ക്ക് അ​നു​സ​രി​ച്ച് കാ​ര്യ​ങ്ങ​ൾ മു​ന്നോ​ട്ടു​പോ​കാ​തെ വ​ന്ന സ്ഥി​തി വി​ശേ​ഷ​മു​ണ്ടാ​യി. തെ​റ്റാ​യ ശൈ​ലി​യും അ​ന​ഭി​ല​ഷ​ണീ​യ​മാ​യ പ്ര​വ​ണ​ത​ക​ളും പ്ര​ക​ട​മാ​യി.

കോ​ണ്‍​ഗ്ര​സ് സം​സ്കാ​ര​ത്തി​ന് യോ​ജി​ച്ച​ത​ല്ലാ​ത്ത ന​ട​പ​ടി​ക​ൾ പു​തി​യ നേ​തൃ​ത്വ​ത്തി​ൽ നി​ന്നു​ണ്ടാ​യ​തോ​ടെ​യാ​ണ് ഞാ​ൻ പ്ര​തി​ക​രി​ക്കാ​ൻ ത​യ്യാ​റാ​തെ​ന്നു സു​ധീ​ര​ൻ വെ​ളി​പ്പെ​ടു​ത്തു​ന്നു. കോ​ണ്‍​ഗ്ര​സ് നേ​തൃ​ത്വ​ത്തി​ന് ക​ത്ത​യ​ച്ചി​രു​ന്നു. എ​ന്നാ​ൽ അ​തി​ന് വേ​ണ്ട​ത്ര പ​രി​ഗ​ണ​ന ല​ഭി​ച്ചി​ല്ല. അ​തു​കൊ​ണ്ടാ​ണ് സ്ഥാ​ന​ങ്ങ​ൾ രാ​ജി​വെ​ച്ച​ത്.

പ​ര​സ്യ പ്ര​തി​ക​ര​ണ​ത്തി​ലേ​ക്ക് ഇ​പ്പോ​ഴും പോ​യി​ട്ടി​ല്ലെ​ന്നാ​ണ് സു​ധീ​ര​ന്‍റെ നി​ല​പാ​ട്. കേ​ര​ള​ത്തി​ൽ സി​പി​എ​മ്മി​നെ​തി​രേ ശ​ക്ത​മാ​യ നി​ല​പാ​ട് സ്വീ​ക​രി​ക്കാ​ൻ യോ​ഗ്യ​നാ​യ നേ​താ​വ് കെ. ​സു​ധാ​ക​ര​നാ​ണെ​ന്ന കാ​ര്യ​ത്തി​ൽ ഹൈ​ക്ക​മാ​ൻ​ഡി​നു യാ​തൊ​രു ത​ർ​ക്ക​വു​മി​ല്ല.

മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ നേ​തൃ​ത്വ​ത്തി​ലു​ള്ള സ​ർ​ക്കാ​രി​നെ​തി​രേ നി​ൽ​ക്ക​ണ​മെ​ങ്കി​ൽ സു​ധാ​ക​ര​നു മാ​ത്ര​മേ ഇ​പ്പോ​ൾ സാ​ധി​ക്കു​ക​യു​ള്ളൂ​വെ​ന്ന വി​കാ​രം ഹൈ​ക്ക​മാ​ൻ​ഡും പ​ങ്കു​വ​യ്ക്കു​ന്നു. അ​തു കൊ​ണ്ടു ത​ന്നെ കേ​ര​ള​ത്തി​ലെ മു​തി​ർ​ന്ന നേ​താ​ക്ക​ൾ എ​ത്ര​മാ​ത്രം പ്ര​തി​ക​രി​ച്ചാ​ലും സു​ധാ​ക​ര​ന്‍റെ വ​ഴി​യെ മാ​ത്ര​മേ കോ​ണ്‍​ഗ്ര​സ് മു​ന്നോ​ട്ടു പോ​കു​ക​യു​ള്ളൂ​വെ​ന്നാ​ണ് അ​ദ്ദേ​ഹ​ത്തോ​ടു ചേ​ർ​ന്നു​നി​ൽ​ക്കു​ന്ന നേ​താ​ക്ക​ളു​ടെ അ​ഭി​പ്രാ​യം.

ഇ​തി​നി​ട​യി​ൽ കെ​പി​സി​സി പു​ന​സം​ഘ​ട​ന​യി​ൽ ച​ർ​ച്ച ന​ട​ത്തി തീ​രു​മാ​ന​മു​ണ്ടാ​ക​ണ​മെ​ന്ന് താ​രി​ഖ് അ​ൻ​വ​ർ നേ​തൃ​ത്വ​ത്തോ​ട് ആ​വ​ശ്യ​പ്പെ​ട്ടി​ട്ടു​ണ്ട്.