അമ്പലപ്പുഴ: മാരകമായ നെട്രോസിൻ ഗുളികകളുമായി അമ്പലപ്പുഴ വടക്ക് കാക്കാഴം വെളിമ്പറമ്പ് (കമ്പിവളപ്പ്) സുധീഷ് ബാബു എന്ന യുവാവ് പിടിയിൽ.
ആലപ്പുഴ നർക്കോട്ടിക് സെൽ ഡിവൈ എസ്പി ബിനുകുമാറിനു കിട്ടിയ രഹസ്യ വിവരത്തിന്‍റെ അടിസ്ഥാനത്തിൽ അമ്പലപ്പുഴ ഇൻസ്പെക്ടർ ടി. മനോജ് കുമാർ, അമ്പലപ്പുഴ എസ് ഐ, സി.പി ഓ മാരായ ജയകുമാർ, ബാബു, ആലപ്പുഴ ജില്ല ലഹരി വിരുദ്ധ സ്‌ക്വാഡിലെ എഎസ്ഐ ജാക്സൻ, സി പി ഒ മാരായ ഉല്ലാസ്, എബി എന്നിവർ ചേർന്നാണ് ഇയാളെ പിടികൂടിയത്.
ഇയാളിൽനിന്നും നൈട്രോസെപാം അടങ്ങിയിട്ടുള്ള നൈട്രോസൻ 10ന്‍റെ 14 ഗ്രാം തൂക്കം വരുന്ന 25 ഗുളികകളും നൈട്രോൻ5 ന്‍റെ 44 ഗ്രാം തൂക്കം വരുന്ന 80 ഗുളികകളും 15.6 ഗ്രാം കഞ്ചാവും കണ്ടെടുത്തു. ഇയാൾക്ക് മുൻപ് സമാനമായ പല കേസുകളും നിലവിലുണ്ട് .
പഴയ മെഡിക്കൽ ചീട്ട് ഉപയോഗിച്ച് ജില്ലയിൽ ഉടനിളമുള്ള മെഡിക്കൽ സ്റ്റോറുകളിൽ നിന്ന് ഗുളിക ശേഖരിച്ച് വിൽപ്പന നടത്തുകയാണ് ഇയാൾ ചെയ്യുന്നത്.
10 ഗുളികകൾ അടങ്ങിയ ഒരു സ്ട്രിപ്പിന് 500 രൂപയ്ക്കാണ്് വിൽപ്പന നടത്തുന്നത്. അമ്പലപ്പുഴ പോലീസ് സ്റ്റേഷൻ പരിധിയിൽ കാക്കാഴം മേൽ പാലത്തിന് താഴെനിന്നാണ് ഇയാളെ പിടികൂടിയത്. കഴിഞ്ഞ മാസവും ഗുളികകളുമായി ഇയാളെ പിടികൂടിയിരുന്നു.
