കൂട്ടുകാരിയുടെ ആ​ത്മ​ഹ​ത്യക്കു കാരണം  അ​ധ്യാ​പി​ക പിഴ ഈടാക്കാൻ ശ്രമിച്ചതിനാലെന്നു സ​ഹ​പാ​ഠി; ക​ണ്ണൂ​രിലെ  എ​ട്ടാം ക്ലാ​സ് വി​ദ്യാ​ർ​ഥി​നി​യു​ടെ  മരണത്തിൽ പുറത്ത് വരുന്നത് ഞെട്ടിക്കുന്ന വിവരം

ച​ക്ക​ര​ക്ക​ൽ: പെ​ര​ള​ശേ​രി എ​കെ​ജി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ എ​ട്ടാം​ക്ലാ​സ് വി​ദ്യാ​ർ​ഥി​നി റി​യ പ്ര​വീ​ണി​നെ ആ​ത്മ​ഹ​ത്യ​യി​ലേ​ക്ക് ന​യി​ക്കാ​നി​ട​യാ​ക്കി​യ​ത് അ​ധ്യാ​പി​ക​യു​ടെ ശ​കാ​ര​വും ക്ലാ​സ് മു​റി വൃ​ത്തി കേ​ടാ​ക്കി​യ​തി​ന് പി​ഴ ഈ​ടാ​ക്കാ​ൻ ശ്ര​മി​ച്ച​തെ​ന്നും സ​ഹ​പാ​ഠി​യു​ടെ ആ​രോ​പ​ണം.

ക്ലാ​സ് മു​റ​യി​ലും ഡ​സ്കി​ലും അ​ബ​ദ്ധ​ത്തി​ൽ മ​ഷി​യാ​യ​തി​ന്‍റെ പേ​രി​ൽ അ​ധ്യാ​പി​ക ശ​കാ​രി​ച്ചെ​ന്നും ക്ലാ​സ് മു​റി വൃ​ത്തി​കേ​ടാ​ക്കി​യ​തി​ന് വ​ലി​യ തു​ക പി​ഴ ഈ​ടാ​ക്കു​മെ​ന്നും സ്റ്റു​ഡ​ന്‍റ് പോ​ലീ​സ് കേ​ഡ​റ്റം​ഗ​മാ​യ റി​യ​യെ സ്റ്റു​ഡ​ന്‍റ് പോ​ലീ​സ് കേ​ഡ​റ്റി​ൽ നി​ന്ന് ഒ​ഴി​വാ​ക്കു​മെ​ന്ന് പ​റ​ഞ്ഞ​തി​ലു​ള്ള മ​നോ​വി​ഷ​മ​മാ​ണ് റി​യ​യെ ആ​ത്മ​ഹ​ത്യ​യി​ലേ​ക്ക് ത​ള്ളി​വി​ട്ട​തെ​ന്നാ​ണ് സ​ഹ​പാ​ഠി പ​റ​യു​ന്ന​ത്.

റി​യ​യു​ടെ ആ​ത്മ​ഹ​ത്യാ കു​റി​പ്പി​ൽ ഒ​ര​ധ്യാ​പി​ക​യു​ടെ പേ​ര് പ​രാ​മ​ർ​ശി​ച്ചി​രു​ന്നു. ഈ ​അ​ധ്യാ​പി​ക​യു​ടെ മൊ​ഴി ഇ​ന്ന് പോ​ലീ​സ് രേ​ഖ​പ്പെ​ടു​ത്തും.

ഐ​വ​ർ​കു​ള​ത്തെ പ്ര​വീ​ൺ-​റീ​ന ദ​ന്പ​തി​ക​ളു​ടെ മ​ക​ളാ​ണ് റി​യ പ്ര​വീ​ൺ. ക​ഴി​ഞ്ഞ ദി​വ​സ​മാ​ണ് റി​യ പ്ര​വീ​ണി​നെ വീ​ട്ടി​ലെ കി​ട​പ്പു​മു​റി​യി​ൽ തൂ​ങ്ങി​മ​രി​ച്ച​നി​ല​യി​ൽ ക​ണ്ടെ​ത്തി​യ​ത്.

അ​തി​നി​ടെ കു​ട്ടി​യു​ടെ ആ​ത്മ​ഹ​ത്യ​യു​മാ​യി ബ​ന്ധ​പ്പെ​ട്ട് സം​സ്ഥാ​ന ബാ​ലാ​വ​കാ​ശ ക​മ്മീ​ഷ​ൻ റി​പ്പോ​ർ​ട്ട് തേ​ടി. ബാ​ലാ​വ​കാ​ശ ക​മ്മീ​ഷ​ൻ ചെ​യ​ർ​പേ​ഴ്സ​ൺ കെ.​വി. മ​നോ​ജ് കു​മാ​ർ ഇ​ന്ന​ലെ സ്കൂ​ളും വി​ദ്യാ​ർ​ഥി​നി​യു​ടെ വീ​ടും സ​ന്ദ​ർ​ശി​ച്ചു.