മാനന്തവാടി: തലപ്പുഴയിൽ ഒരു കുടുംബത്തിലെ നാലുപേരെ തൂങ്ങിമരിച്ച നിലയിൽ കണ്ടെത്തി. തവിഞ്ഞാൽ തിടങ്ങഴിയിൽ തോപ്പിൽ വിനോദ്(45), ഭാര്യ മിനി(40), മക്കളായ അനുശ്രീ(17), അഭിനവ് (12) എന്നിവരാണ് മരിച്ചത്. ഇന്നു രാവിലെയാണ് ഇവരെ വീടിന് സമീപത്തെ കശുമാവിൻതോട്ടത്തിൽ തൂങ്ങിമരിച്ച നിലയിൽ കണ്ടെത്തിയത്.
പുൽപ്പള്ളിയിൽ മിനിയുടെ വീട്ടിൽ പോയ വിനോദും കുടുംബവും രാത്രി എട്ടോടെ തിരിച്ചെത്തിയിരുന്നു. തുടർന്ന് വീട്ടിലേക്ക് പോകാതെ സമീപത്തെ കശുമാവിൻതോട്ടത്തിൽ തൂങ്ങിമരിക്കുകയായിരുന്നു. ഇവർ സഞ്ചരിച്ച ജീപ്പ് തോട്ടത്തിന് സമീപം കണ്ടെത്തിയിട്ടുണ്ട്.
സാന്പത്തിക പ്രശ്നങ്ങളും കുടുംബ പ്രശ്നവുമാണ് മരണകാരണമെന്ന് നാട്ടുകാർ പറഞ്ഞു. ആറ് ലക്ഷത്തോളം രൂപ കടമുണ്ടായിരുന്നതായി ബന്ധുക്കൾ അറിയിച്ചു. മാനന്തവാടി ഡിവൈഎസ്പി കെ.എം. ദേവസ്യയുടെ നേതൃത്വത്തിലുള്ള സംഘം സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു.
