കൊച്ചി: നടിയെ തട്ടിക്കൊണ്ടുപോയി ഉപദ്രവിച്ച സംഭവത്തിനു പിന്നിൽ ക്വട്ടേഷനാണോയെന്ന് ഇപ്പോൾ പറയാൻ പറ്റില്ലെന്നു കേസിലെ മുഖ്യപ്രതി പൾസർ സുനി. ‘”അതിനുള്ള അവസ്ഥയിലല്ല ഇപ്പോൾ ഞാൻ. പോലീസ് പറയുന്നതു മാത്രമേ മാധ്യമങ്ങൾ വിശ്വസിക്കുകയുള്ളൂ. സമയമാകുമ്പോൾ എല്ലാം പുറത്തുപറയും’’- സുനി പറഞ്ഞു.ആലുവ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കുന്നതിനായി എത്തിച്ചപ്പോൾ മാധ്യമപ്രവർത്തകരുടെ ചോദ്യങ്ങൾക്കു മറുപടിയായിട്ടായിരുന്നു പ്രതികരണം.
നടിയോടു തനിക്കു വ്യക്തിവൈരാഗ്യമില്ല. ആവശ്യമില്ലാത്തവരെ കേസിലേക്കു വലിച്ചിഴച്ചു ബുദ്ധിമുട്ടിക്കരുതെന്നും സുനി പറഞ്ഞു. വ്യക്തിവൈരാഗ്യമില്ലെങ്കിൽ മറ്റാർക്കെങ്കിലും വേണ്ടിയായിരുന്നോ എന്ന് വാർത്താലേഖകർ ചോദിച്ചപ്പോൾ പ്രതികരണം ഉണ്ടായില്ല.
