ബോളിവുഡ് നടി സണ്ണി ലിയോൺ മലയാളം വെബ് സീരീസിൽ അഭിനയിക്കുന്നു. ഒടിടിയിലൂടെ പ്രദർശനത്തിന് എത്തുന്ന ‘പാൻ ഇന്ത്യൻ സുന്ദരി’ എന്ന വെബ് സീരിസിലൂ‍ടെയാണ് മലയാളം ഒടിടി പ്ലാറ്റ്ഫോമിൽ സണ്ണിയുടെ അരങ്ങേറ്റം.
എച്ച്ആർ പ്രൊഡക്‌ഷൻസിന്‍റെ ബാനറിൽ ശ്രീന പ്രതാപൻ നിർമിക്കുന്ന പാൻ ഇന്ത്യൻ സുന്ദരിയുടെ കഥയും സംവിധാനവും നിർവഹിക്കുന്നത് സതീഷാണ്. പ്രിൻസി ഡെന്നിയും ലെനിൻ ജോണിയും ചേർന്നാണ് തിരക്കഥ. മലയാളത്തിലെ ആദ്യത്തെ ബിഗ് ബജറ്റ് കോമഡി ആക്‌ഷൻ ത്രില്ലർ സീരീസാണ് ആണിത്. അപ്പാനി ശരത്തും മാളവികയുമാണ് കേന്ദ്രകഥാപാത്രങ്ങൾ.
മണിക്കുട്ടൻ, ജോണി ആന്‍റണി, ജോൺ വിജയ്, ഭീമൻ രഘു, കോട്ടയം രമേശ്, അസീസ് നെടുമങ്ങാട്, ഹരീഷ് കണാരൻ, നോബി മർക്കോസ് തുടങ്ങി വലിയ താരനിര തന്നെ അണിനിരക്കുന്നുണ്ട്. മലയാളം, തമിഴ്, കന്നഡ, തെലുങ്ക്, ഹിന്ദി ഭാഷകളിലായി എച്ച്ആർ ഒടിടിയിലൂടെയാണ് ‘പാൻ ഇന്ത്യൻ സുന്ദരി’സീരിസ് റിലീസ് ചെയ്യുക.
ഛായാഗ്രഹണം രവിചന്ദ്രൻ, കലാസംവിധാനം മധു രാഘവൻ, ചിത്ര സംയോജനം അഭിലാഷ് ബാലചന്ദ്രൻ. ശ്യാം പ്രസാദാണ് സീരീസിനു വേണ്ടി ഗാനങ്ങൾ ഒരുക്കിയിരിക്കുന്നത്. ബാക്ക്ഗ്രൗണ്ട് മ്യൂസിക് ഗോപി സുന്ദർ, ചീഫ് അസോസിയേറ്റ് അനന്തു പ്രകാശൻ, ലൈൻ പ്രൊഡ്യൂസർ എൽദോ സെൽവരാജ്, എക്‌സിക്യൂട്ടിവ് പ്രൊഡ്യൂസർ സംഗീത് ശ്രീകണ്ഠൻ, ഡാൻസ് കൊറിയോഗ്രാഫർ ഡിജെ സിബിൻ, ആക്‌ഷൻ കോറിയോഗ്രഫർ അഭിഷേക് ശ്രീനിവാസ്, പിആർഒ ആതിര ദിൽജിത്. കേരളത്തിൽ നിറയെ ആരാധ കരുള്ള സണ്ണി ലിയോൺ നേരത്തെ മധുരരാജ എന്ന മമ്മൂട്ടിച്ചിത്രത്തിൽ ഐറ്റം സോംഗിൽ പ്രത്യക്ഷപ്പെട്ടിരുന്നു.
