ബോളിവുഡ് താരം സണ്ണി ലിയോണ് വിമാന അപകടത്തിൽ നിന്നു തലനാരിഴയ്ക്ക് രക്ഷപ്പെട്ടത് കഴിഞ്ഞ ദിവസമായിരുന്നു. സണ്ണി ലിയോണും ഭർത്താവ് ഡാനിയേൽ വെബ്ബറും സുഹൃത്തുക്കളും സഞ്ചരിച്ച വിമാനമായിരുന്നു അപകടത്തിൽ പെട്ടത്. സണ്ണി ലിയോണും ഭർത്താവും സുഹൃത്തുക്കളും സഞ്ചരിച്ച വിമാനം മോശം കാലാവസ്ഥയെത്തുടർന്ന് ബുധനാഴ്ചയായിരുന്നു അപകടത്തിൽ പെട്ടത്. എന്നാൽ വിമാനത്തിലുണ്ടായിരുന്ന എല്ലാവരും പരിക്കേൽക്കാതെ രക്ഷപ്പെട്ടു.
സണ്ണി ലിയോണ് സഞ്ചരിച്ച വിമാനം തകർന്നു വീണു എന്ന വാർത്തയിൽ ആശങ്കപ്പെട്ട ആരാധകർക്കായി വിമാനത്തിനുള്ളിലെ രംഗങ്ങൾ പകർത്തിയ വീഡിയോകൾ സണ്ണി ലിയോണ് പുറത്തുവിട്ടു. രണ്ട് വീഡിയോകളാണ് താരം പുറത്തുവിട്ടത്. വിമാനത്തിനുള്ളിലെ കാഴ്ചയും കോക്പിറ്റിൽ നിന്നുള്ള കാഴ്ചയുമാണ് രണ്ട് വീഡിയോകളിലുള്ളത്. വളരെ അവിസ്മരണീയമായ അനുഭവമായിരുന്നു വിമാനയാത്രയെന്നും താരം വീഡിയോയിൽ പറയുന്നു.
താനും ഭർത്താവും സഞ്ചരിച്ച വിമാനം മോശം കാലാവസ്ഥയെത്തുടർന്ന് തകർന്ന് വീണിരിക്കുകയാണ്. ആർക്കും പരിക്കില്ലെന്നും ജീവൻ തിരിച്ചു തന്നതിന് ദൈവത്തിനു നന്ദിയും വീഡിയോയിൽ താരം പറയുന്നു. അപകടത്തിൽ നിന്നു പരിക്കേൽക്കാതെ രക്ഷപ്പെട്ടതിന് ദൈവത്തിന് നന്ദി പറയുന്ന താരം വിമാനത്തിന്‍റെ പൈലറ്റുമാരെയും പ്രകീർത്തിക്കുന്നു. പൈലറ്റുമാരുടെ അവസരോചിതമായ ഇടപെടലാണ് അപകടത്തിൽ നിന്ന് രക്ഷപ്പെടാൻ കാരണയതെന്നും താരം പറഞ്ഞു.
