പ്രശസ്ത ബോളിവുഡ് നടി സണ്ണി ലിയോൺ പുതിയ റസ്റ്റോറന്‍റ് തുടങ്ങിയ വാർത്തകളാണ് ഇപ്പോൾ വൈറലാകുന്നത്. ചിക്ക ലോക്ക എന്നാണ് റെസ്റ്റോറന്‍റിന് പേരിട്ടിരിക്കുന്നത്. ജനുവരി 2നാണ് ചിക്ക ലോക്ക ഭക്ഷണ പ്രേമികൾക്കായി തുറന്നത്. ഭർത്താവ് ഡാനിയേൽ വേബറിനൊപ്പമാണ് ചിക്ക ലോക്കയുടെ ഉദ്ഘാടനത്തിന് താരം എത്തിയത്.
നോയിഡയിലാണ് താരം പുതിയ റസ്റ്റോറന്‍റ് തുടങ്ങിയിട്ടുള്ളത്. ഇവിടുത്തെ വിഭവങ്ങളേറെയും കോഴി പ്രേമികളെ ഉദ്ദേശിട്ടുള്ളവയാണ്. നല്ല എരിവിൽ കിട്ടുന്ന ബേസിൽ ചിക്കൻ, ചില്ലി ചിക്കൻ, ചിക്കൻ കീമ, പാർസി മട്ടൻ, മട്ടൻ മെഷ്‌വി കബാബ് അങ്ങനെ പോകുന്നു ചിക്ക ലോക്കയിലെ മെനു.
സണ്ണി ലിയോണിന്‍റെ ഹോട്ട് ചിത്രങ്ങളാണ് സ്പൈസി മെനു കാർഡിലും കൊടുത്തിട്ടുള്ളത്. വൻ ആരാധക വൃന്ദങ്ങളുള്ളത് സണ്ണി ലിയോണിന് ബിസിനസിൽ ഏറെ ഗുണം ചെയ്യുമെന്നാണ് പ്രതീക്ഷ.
