കൊച്ചി: ക്രൈം നന്ദകുമാറിനെതിരേ പരാതി നല്‍കിയ യുവതിയെ അപമാനിച്ച കേസില്‍ ട്രൂ ടിവി യൂട്യൂബ് ചാനല്‍ മേധാവിയും പാലാ കടനാട് സ്വദേശിയുമായി സൂരജ് വി. സുകുമാര്‍ (41) എന്ന സൂരജ് പാലാക്കാരന്‍ അറസ്റ്റിൽ.
ഹൈക്കോടതി മുന്‍കൂര്‍ ജാമ്യാപേക്ഷ തള്ളിയതോടെ ഇന്നലെ രാവിലെ എറണാകുളം സൗത്ത് പോലീസ് സ്റ്റേഷനില്‍ കീഴടങ്ങിയ ഇയാളെ ചോദ്യം ചെയ്യലിനു ശേഷം അറസ്റ്റ് ചെയ്യുകയായിരുന്നു.
ജാമ്യമില്ലാ വകുപ്പുകള്‍ പ്രകാരമാണ് അറസ്റ്റ് ചെയ്ത ഇയാളെ റിമാന്‍ഡ് ചെയ്തു. ഓഫീസില്‍വച്ച് മോശമായി പെരുമാറിയെന്നും തെറ്റായ കാര്യങ്ങള്‍ ചെയ്യാന്‍ നിര്‍ബന്ധിച്ചെന്നും ചൂണ്ടിക്കാട്ടി ഇടുക്കി സ്വദേശിനി നല്‍കിയ പരാതിയെത്തുടര്‍ന്ന് കഴിഞ്ഞ ജൂണ്‍ 17നാണ് ക്രൈം നന്ദകുമാര്‍ അറസ്റ്റിലായത്.
ഇതിനു പിന്നാലെ യുവതിയുടെ ഭര്‍ത്താവുമായി നടത്തിയ അഭിമുഖത്തിലാണ് ഇവര്‍ക്കെതിരേ സൂരജ് മോശം പരാമര്‍ശങ്ങള്‍ നടത്തിയത്.
