വിശാഖ് പുന്ന കഥയെഴുതി സംവിധാനം ചെയ്യുന്ന ‘ഡ്രൈ’ എന്ന ചിത്രത്തിൽ അരിസ്റ്റോ സുരേഷ് ആലപിച്ച “എങ്ങാനും” എന്ന് തുടങ്ങുന്ന ഗാനം റിലീസ് ചെയ്തു. വി.എസ്. സത്യന്‍റെ വരികൾക്ക് എം.ടി. വിക്രാന്ത് ആണ് സംഗീതം നൽകിയിരിക്കുന്നത്. മലയാളത്തിലെ പ്രമുഖ മ്യൂസിക് ലേബൽ ആയ മ്യൂസിക്247 ആണ് ഗാനം പുറത്തിറക്കിയത്.
ഒരു പാമ്പിന്‍റെ കഥ എന്ന ടാഗ് ലൈനോടെയാണ് “ഡ്രൈ’ പുറത്തിറക്കുന്നത്. റോഷൻ മാത്യൂസ്, നവാസ്, വിപിഷ് കുമാർ, സുൽഫീക്കർ, ക്രിസ് ലോയ്ഡ് തുടങ്ങിയവരാണ് പ്രധാന വേഷങ്ങളിലെത്തുന്നത്. ഛായാഗ്രഹണം ഷിനോസും ചിത്രസംയോജനം അഖിൽ ഏലിയാസുമാണ് നിർവഹിച്ചിരിക്കുന്നത്. പശ്ചാത്തല സംഗീതം മിക്കു കാവിൽ. ടൂറിംഗ് സിനിമാസിന്‍റെ ബാനറിൽ നിരൂപ് ഗുപ്‌തയാണ് ചിത്രം നിർമിച്ചിരിക്കുന്നത്.
ഗാനം കാണാം:
