താരങ്ങളുടെ മക്കള്‍ പലരും ഇന്ന് മലയാള സിനിമാ ലോകത്ത് സജീവമായിട്ടുണ്ട്. എന്നാല്‍ ഇത്രകണ്ട് സാമ്യം തോന്നുന്ന മറ്റൊരു അച്ഛന്‍ മകന്‍ കോമ്പിനേഷന്‍ ഉണ്ടോ എന്ന് സംശയമാണ്. മറ്റാരുടെയുമല്ല, ഒരു കാലത്ത് മലയാളികളുടെ ആവേശമായിരുന്ന നിലവില്‍ എംപി കൂടിയായ സുരേഷ് ഗോപിയുടെയും മകന്‍ ഗോകുല്‍ സുരേഷിന്റെയും കാര്യമാണ്.
കാരണം വേറൊന്നുമല്ല, ഇരുവരുടെയും ഏകദേശം ഒരേപ്രായത്തിലുള്ള രണ്ട് ചിത്രങ്ങള്‍ സുരേഷ് ഗോപി ഫേസ്ബുക്കില്‍ പോസ്റ്റ് ചെയ്യുകയുണ്ടായി. ആ ചിത്രങ്ങള്‍ തമ്മിലുള്ള സാമ്യമാണ് ഇപ്പോള്‍ സോഷ്യല്‍മീഡിയയില്‍ ഉടനീളം ചര്‍ച്ചയായിരിക്കുന്നത്.
തന്റെ പഴയകാലത്തെ ഫോട്ടോയ്ക്ക് ഒപ്പമാണ് മകന്റെ ഫോട്ടോയും താരം ചേര്‍ത്തുവച്ചിരിക്കുന്നത്. ഫോട്ടോസ്റ്റാറ്റ് എടുത്ത പോലെയെന്നാണ് ആരാധകര്‍ അഭിപ്രായപ്പെടുന്നത്. എന്തായാലും അച്ഛന്റെയും മകന്റെയും ചിത്രങ്ങള്‍ ആരാധകര്‍ ഏറ്റെടുത്തു കഴിഞ്ഞു.
ഗോകുലിന്റെ പുതിയ സിനിമകളിലെ ചിത്രങ്ങള്‍ കാണിച്ച് അച്ഛന്റെ അതേ മാനറിസങ്ങള്‍ തന്നെ മകനും കിട്ടിയിട്ടുണ്ടെന്ന് നേരത്തെ പല ആരാധകരും ചൂണ്ടി കാണിച്ചിരുന്നു. അതുകൂടാതെ ജൂനിയര്‍ ചാക്കോച്ചി എന്ന വിളിപ്പേരും ഗോകുലിന് നല്‍കിയിരുന്നു.
