തൃശൂർ: തെരഞ്ഞെടുപ്പിൽ സ്ഥാനാർഥിയായിട്ടും വോട്ട് രേഖപ്പെടുത്താതെ തൃശൂർ മണ്ഡലത്തിലെ എൻഡിഎ സ്ഥാനാർഥി സുരേഷ് ഗോപി. സംസ്ഥാനത്ത് വോട്ട് രേഖപ്പെടുത്താത്ത ഏക സ്ഥാനാർഥിയും സുരേഷ് ഗോപിയാണ്.
തിരുവനന്തപുരം ശാസ്തമംഗലം രാജാകേശവദാസ് എൻഎസ്എസ് ഹൈസ്കൂളിലായിരുന്നു സുരേഷ് ഗോപിക്ക് വോട്ട്. എന്നാൽ സുരേഷ് ഗോപി വോട്ടു ചെയ്യുന്നതിനായി ഇവിടെ എത്തിയില്ല.
തൃശൂരിൽനിന്ന് തിരുവനന്തപുരത്തേക്കു പോകാൻ ഹെലികോപ്റ്റർ കിട്ടാത്തതിനെ തുടർന്നാണ് വോട്ട് ചെയ്യാത്തതെന്നാണ് ബിജെപിയുടെ വിശദീകരണം.
