ഒരിടവേളയ്ക്ക് ശേഷം മലയാള സിനിമയിലേക്ക് ശക്തമായ തിരിച്ചുവരവ് നടത്തിയിരിക്കുകയാണ് നടന്‍ സുരേഷ് ഗോപി. അനൂപ് സത്യന്‍ സംവിധാനം ചെയ്ത വരനെ ആവശ്യമുണ്ടെന്ന സിനിമയിലൂടെയാണ് താരം തിരശീലയില്‍ വീണ്ടും വിസ്മയങ്ങള്‍ സൃഷ്ടിച്ചത്.
സുരേഷ് ഗോപിക്കൊപ്പം ശോഭനയും ദുല്‍ഖറും കല്യാണി പ്രിയദര്‍ശനും സിനിമയില്‍ പ്രധാനകഥാപാത്രങ്ങളെ അവതരിപ്പിക്കുന്നുണ്ട്. ഇപ്പോഴിത സുരേഷ് ഗോപിയുടെ മടങ്ങി വരവില്‍ ഏറെ സന്തോഷവാനാണ് മകന്‍ ഗോകുല്‍ സുരേഷ്.
“വെല്‍ക്കം ബാക്ക് എസ്ജി’ എന്ന കാപ്ഷനോടെയാണ് താരം അച്ഛന്റെ രണ്ടാം വരവിനെ ഫേസ്ബുക്ക് പോസ്റ്റിലൂടെ ആഘോഷമാക്കിയത്. പോസ്റ്റിന് താഴെ സുരേഷ് ഗോപിക്ക് അഭിനന്ദനം നേര്‍ന്ന് ആരാധകര്‍ എത്തുകയാണ്.
