സുരേഷ് ഗോപിയെ നായകനാക്കി നിഥിൻ രഞ്ജി പണിക്കർ സംവിധാനം ചെയ്ത കാവൽ എന്ന ചിത്രത്തിന്‍റെ ടീസർ സുരേഷ് ഗോപിയുടെ ജന്മദിനമായ ജൂൺ 26ന് റിലീസ് ചെയ്യും.
ചിത്രത്തിന്‍റെ രചന നിർവഹിച്ചിരിക്കുന്നതും നിഥിൻ തന്നെയാണ്. കാവലിൽ സുരേഷ് ഗോപി രണ്ട് ഗെറ്റപ്പുകളിലാണ് പ്രത്യക്ഷപ്പെടുന്നത്. സായാ ഡേവിഡാണ് കാവലിൽ നായികാ കഥാപാത്രത്തെ അവതരിപ്പിക്കുന്നത്.
ഗുഡ്‌വിൽ എന്‍റർടെയ്ൻമെന്‍റ്സിന്‍റെ ബാനറിൽ ജോബി ജോർജ് ആണ് ചിത്രം നിർമിക്കുന്നത്. ഇനി രണ്ടാഴ്ചത്തെ ചിത്രീകരണം കൂടി ബാക്കിയുണ്ട്. എറണാകുളത്തും കട്ടപ്പനയിലുമായാണ് ആദ്യഘട്ടം പൂർത്തിയായത്.
