സു​സ്മി​ത ആള് ചില്ലറക്കാരിയല്ല! മുക്കുപണ്ടം പണയം വച്ച്‌ തട്ടിയത്‌ എട്ടു ലക്ഷം; വളകളി​ൽ 916 ഹോ​ളോ​ഗ്രാം മു​ദ്ര​യും

ഇ​രി​ങ്ങാ​ല​ക്കു​ട: വെ​ള്ളാ​ങ്കല്ലൂ​രി​ൽ സ്ഥി​തി ചെ​യ്യു​ന്ന ഉൗ​ക്ക​ൻ​സ് ഫൈ​നാ​ൻ​സ് ആ​ൻഡ് ഇ​ൻ​വ​സ്റ്റേ​ഴ്സ് എ​ന്ന സ്ഥാ​പ​ന​ത്തി​ൽ ചൊ​വ്വാ​ഴ്ച ഉ​ച്ച​യോ​ടെ ഒ​രു സ്ത്രീ ​ര​ണ്ടു വ​ള​ക​ൾ പ​ണ​യം വ​യ്ക്കാ​ൻ വ​ന്നു. വള കളി​ൽ 916 ഹോ​ളോ​ഗ്രാം മു​ദ്ര​യും ഉ​ണ്ടാ​യി​രു​ന്നു.

മു​ൻപ​രി​ച​യ​മി​ല്ലാ​ത്ത സ്ത്രീ ​ആ​യ​തി​നാ​ൽ സ്ഥാ​പ​നയു​ട​മ സ്ത്രീ ​കൊ​ണ്ടുവ​ന്ന വ​ള​ക​ൾ പ​രി​ശോ​ധി​ക്കു​ക​യും സ്വ​ർ​ണമ​ല്ലെ​ന്നു തെ​ളി​യു​ക​യും ചെ​യ്തു.

ഉ​ട​മ പോ​ലീ​സി​ൽ വി​വ​രം അ​റി​യി​ക്കു​ക​യും ഇ​രി​ങ്ങാ​ല​ക്കു​ട ഇ​ൻ​സ്പെ​ക്ട​ർ അ​നീ​ഷ് ക​രീ​മി​ന്‍റെ നേ​തൃ​ത്വ​ത്തി​ൽ ഉ​ള്ള പോ​ലീ​സ് സം​ഘം എ​ട​തി​രി​ഞ്ഞി ചെ​ട്ടി​യാ​ൽ ചി​റ​ക്ക​ൽ വീ​ട്ടി​ൽ സു​സ്മി​ത (42) യെ ​ക​സ്റ്റ​ഡി​യി​ൽ എ​ടു​ക്കു​ക​യുമാ​യി​രു​ന്നു.

സു​സ്മി​ത​യെ കൂ​ടു​ത​ൽ ചോ​ദ്യം ചെ​യ്ത​തി​ൽ നി​ന്ന് സു​സ്മി​ത​യ്ക്കു പ​ണ​യം വ​യ്ക്കാ​നു​ള്ള മു​ക്കു പ​ണ്ട​ങ്ങ​ൾ കൈ​മാ​റു​ന്ന​ത് ഒ​ല്ലൂർ പ​ട​വ​രാ​ട് സ്വ​ദേ​ശി​യാ​ണെ​ന്നു മ​ന​സി​ലാ​ക്കി​യ പോ​ലീ​സ് സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെ ഒ​ല്ലൂ​ർ പ​ട​വ​രാ​ട് സ്വ​ദേ​ശി പ​ടി​ഞ്ഞാ​റെ വീ​ട്ടി​ൽ വി​ജു (33) നെ ​ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു.

വി​ജു​വി​നെ ചോ​ദ്യം ചെ​യ്ത​തി​ൽ നി​ന്നും പ​ല​യി​ട​ങ്ങ​ളി​ൽ നി​ന്നാ​യി മു​ക്കുപ​ണ്ടം പ​ണ​യം വ​ച്ച് എ​ട്ടു ല​ക്ഷം രൂ​പ​യോ​ളം ത​ട്ടി​യെ​ടു​ത്ത വി​വ​രം പോ​ലീ​സി​ന് ല​ഭി​ച്ചു.

പ്ര​തി​ക​ളെ പി​ടി​കൂ​ടി​യ പോ​ലീ​സ് സം​ഘ​ത്തി​ൽ എ​സ്ഐ പി.​ജി. അ​നൂ​പ്, എഎ​സ്‌​ഐ ജ​ഗ​ദീ​ഷ്, വ​നി​താ സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ നി​ഷി സി​ദ്ധാ​ർ​ത്ഥ​ൻ, സി​പിഒ​മാ​രാ​യ വൈ​ശാ​ഖ് മം​ഗ​ല​ൻ, രാ​ഹു​ൽ, ഫൈ​സ​ൽ എ​ന്നി​വ​രാ​ണ് ഉ​ണ്ടാ​യി​രു​ന്ന​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻഡ് ചെ​യ്തു.