യുവാവ് രാജവെമ്പാലയെയാണ് കുളിപ്പിക്കുന്ന വീഡിയോ സോഷ്യല്‍ മീഡിയയില്‍ വൈറലാകുന്നു. സംഭവം നടന്നത് എവിടെയാണെന്ന് വ്യക്തമല്ല. ഇന്ത്യന്‍ ഫോറസ്റ്റ് സര്‍വീസസ് ഓഫീസറായ സുശാന്ത നന്ദയാണ് അപൂർവ ദൃശ്യങ്ങൾ ട്വിറ്ററിലൂടെ പങ്കുവച്ചത്.
വേനല്‍ക്കാലമല്ലേ, ആരാണ് നല്ലൊരു കുളി ആഗ്രഹിക്കാത്തത് എന്ന അടിക്കുറിപ്പിലാണ് നന്ദ വിഡിയോ പോസ്റ്റ് ചെയ്തിരിക്കുന്നത്. ബക്കറ്റിൽ വെള്ളമെടുത്ത് പാമ്പിന്‍റെ തലയിലൂടെ ഒഴിക്കുന്ന യുവാവിനെ ദൃശ്യങ്ങളിൽ കാണാം. രണ്ട് തവണയാണ് യുവാവ് പാമ്പിന്‍റെ തലയിൽ ഒഴിച്ചത്.
പാമ്പുകളെ കൈകാര്യം ചെയ്ത് പരിചയമുള്ള വ്യക്തിയാകാം യുവാവെന്നാണ് നിഗമനം. അപകടകരമാണ് അതുകൊണ്ടുതന്നെ ആരും ഇതുപോലുള്ള പ്രവർത്തികൾക്ക് മുതിരരുത് എന്ന മുന്നറിയിപ്പോടെയാണ് അദ്ദേഹം ഈ ദൃശ്യം ട്വിറ്ററിൽ പങ്കുവച്ചത്.
