ഭൂതത്തിലും പ്രേതത്തിലും വിശ്വാസമുള്ളവരും ഇല്ലാത്തവരുമായ ആളുകളാണ് നമ്മുടെ സമൂഹത്തിലുള്ളത്.
ഇപ്പോഴിതാ തനിക്കുണ്ടായ വിശദീകരിക്കാനാവാത്ത അനുഭവം വെളിപ്പെടുത്തിയിരിക്കുകയാണ് നടി സ്വാസിക.
കോഴിക്കോട് ഷൂട്ടിംഗിനു പോയപ്പോള്‍ ഹോട്ടല്‍ മുറിയില്‍ വച്ചുണ്ടായ വിചിത്ര സംഭവമാണ് സ്വാസിക ഒരു അഭിമുഖത്തില്‍ തുറന്നു പറഞ്ഞത്.
പ്രേതം എന്നതില്‍ ഒന്നും വിശ്വാസമില്ലെങ്കിലും ഒരു നെഗറ്റീവ് ഉണ്ടെന്ന് താന്‍ വിശ്വസിക്കുന്നുണ്ടെന്ന് സ്വാസിക പറയുന്നു.
സ്വാസികയുടെ വാക്കുകള്‍ ഇങ്ങനെ… ഒരിക്കല്‍ ഞങ്ങള്‍ കോഴിക്കോട് ഒരു ഹോട്ടലില്‍ താമസിക്കുകയായിരുന്നു. എന്റൊപ്പം അമ്മയും ഉണ്ട്. ഞാന്‍ രാത്രി ഒരു സ്വപ്നം കണ്ടു.
ഒരു റോസ് കളര്‍ വസ്ത്രം ധരിച്ച് ഷോര്‍ട്ട് ഹെയറൊക്കെ ആയിട്ടൊരു സ്ത്രീ എന്റെ കാലിന്റെ അടുത്ത് വന്നിരിക്കുന്നത് ആയിരുന്നു സ്വപ്നം.
ഞാന്‍ ആരോടും പറയാന്‍ നിന്നില്ല. രാവിലെ സാധാരണ പോലെ എഴുന്നേറ്റു. പക്ഷേ, ഞാനും അമ്മയും എന്തോ കാര്യം പറഞ്ഞു വന്നപ്പോള്‍.
അമ്മ പറഞ്ഞു, ഇന്നലെ രാത്രി ഉറങ്ങാന്‍ പറ്റിയില്ല. ഭയങ്കര ഒരു മോശം സ്വപ്നം കണ്ടു. എന്താണെന്ന് ചോദിച്ചപ്പോള്‍, ഒരു റോസ് കളര്‍ വസ്ത്രം ധരിച്ച പെണ്ണ് വന്നു. എന്നിട്ട് എന്റെ കാലില്‍ കേറി പിടിച്ചുവെന്ന്. അപ്പോള്‍ ഞാന്‍ പറഞ്ഞു, ഇത് തന്നെ ഞാന്‍ കണ്ടെന്ന്,’
എന്തുകൊണ്ടാണ് തങ്ങള്‍ രണ്ടുപേരും ഒരേ സ്വപ്നം കണ്ടതെന്ന് അറിയില്ലെന്നും എന്തോ ഒരു നെഗറ്റീവ് എനര്‍ജി ആ റൂമില്‍ ഉണ്ടെന്ന് തങ്ങള്‍ക്ക് മനസ്സിലായെന്നും സ്വാസിക പറയുന്നു.
പിറ്റേന്ന് തങ്ങള്‍ ആ റൂം മാറി വേറെ ആളുകള്‍ക്ക് കൊടുത്തുവെന്നും പക്ഷെ അവര്‍ക്ക് അങ്ങനെ ഒരു അനുഭവവും ഉണ്ടായില്ലെന്നും എന്തോ ഒരു പോസിറ്റീവ് ശക്തി ഉള്ളപോലെ ഒരു നെഗറ്റീവ് ശക്തിയും ഉണ്ടെന്നാണ് കരുതുന്നതെന്നും സ്വാസിക വ്യക്തമാക്കി.
