സീരിയില്‍ സെറ്റിലാണ് പ്രേം ജേക്കബിനെ ആദ്യമായി കണ്ടത്. പ്രേമിന്‍റെ ശബ്‍ദം എനിക്ക് ഇഷ്‍ടമായിരുന്നു. ഞാനാണ് അങ്ങോട്ട് പ്രൊപ്പോസ് ചെയ്‍തത്. ഒരിക്കല്‍ ഒരു റൊമാന്‍റിക് രംഗത്തിന് ഇടയിലാണ് പ്രേം ജേക്കബിനോട് നമുക്ക് കല്യാണം കഴിച്ചാലോ എന്ന് ചോദിച്ചത്.
പിന്നീട് ധൈര്യത്തോടെ ആ ഇഷ്‍ടം പറയാൻ എനിക്ക് മടിയായിരുന്നു. എന്നാല്‍ ഷെഡ്യൂള്‍ കഴിഞ്ഞ് തിരിച്ച് വരുന്ന സമയത്ത് എനിക്കൊരു മെസേജ് കിട്ടി. ആ മെസേജ് എന്‍റെ ജീവിതത്തിലേക്ക് വന്നതിന് നന്ദി എന്നായിരുന്നു. പിന്നീട് ലൊക്കേഷനിലെ മനോഹരമായ റൊമാന്‍റിക് ദിവസങ്ങളായിരുന്നെന്നും സ്വാസിക പറഞ്ഞു.
ഏറെ നാളത്തെ പ്രണയത്തിനുശേഷമാണ് സിനിമാ-സീരിയൽ താരം സ്വാസിക വിജയിയും സീരിയൽ നടൻ പ്രേം ജേക്കബും വിവാഹിതരായത്. വിവാഹ ചിത്രങ്ങൾ സ്വാസിക തന്നെ സോഷ്യൽമീഡിയ വഴി പങ്കിട്ടു. ഞങ്ങൾ ഒരുമിച്ച് ജീവിതം നയിക്കാൻ തീരുമാനിച്ചു എന്നാണ് വിവാഹ ചിത്രങ്ങൾ പങ്കിട്ട് സ്വാസിക കുറിച്ചത്.
ചുവപ്പും ഗോൾഡൺ നിറവും കലർന്ന പട്ടുസാരിയും അതിനിണങ്ങുന്ന ആഭരണങ്ങളുമണിഞ്ഞാണ് സ്വാസിക വിവാഹത്തിനെത്തിയത്. ഷേർവാണിയായിരുന്നു പ്രേമിന്‍റെ വേഷം. ബീച്ച് വെഡ്ഡിംഗാണ് സ്വാസികയും പ്രേം ജേക്കബും തെരഞ്ഞെടുത്തത്. .
