സ്വിഫ്റ്റിലെ ജീവനക്കാർക്കു വേണ്ടി കെഎസ്ആർടിസി ജീവനക്കാരെ കുടിയിറക്കി; പ്രതിഷേധിച്ച് ജീവനക്കാരുടെ സംഘടന

പ്ര​ദീ​പ് ചാ​ത്ത​ന്നൂ​ർ
ചാ​ത്ത​ന്നൂ​ർ: കെഎ​സ്ആ​ർടിസിയി​ലെ വ​നി​താ ജീ​വ​ന​ക്കാ​ർ ഉ​റ​ങ്ങാ​നും വി​ശ്ര​മി​ക്കാ​നു​മാ​യി ഉ​പ​യോ​ഗി​ച്ചു കൊ​ണ്ടി​രു​ന്ന മു​റി​യി​ൽ നി​ന്ന് അ​വ​രെ കു​ടി​യി​റ​ക്കി.

സ്വ​ത​ന്ത്ര​സ്ഥാ​പ​ന​മാ​യ, പ്ര​ത്യേ​കം മാ​നേ​ജ്മെ​ന്‍റി​ന് കീ​ഴി​ൽ പ്ര​വ​ർ​ത്തി​ക്കു​ന്ന കെ – ​സ്വി​ഫ്റ്റി​ലെ ദി​വ​സ വേ​ത​ന​ക്കാ​രാ​യ ഡ്രൈ​വ​ർ​മാ​ർ​ക്ക് വേ​ണ്ടി​യാ​ണ് കെഎ​സ്ആ​ർ​ടി​സി ജീ​വ​ന​ക്കാ​രെ ദു​രി​ത​ത്തി​ലാ​ക്കി​യ​ത്.

തി​രു​വ​ന​ന്ത​പു​രം ത​മ്പാ​നൂ​ർ ബ​സ്‌​സ്റ്റേ​ഷ​നി​ലെ മൂ​ന്നാം നി​ല​യി​ലെ ഒ​രു മു​റി​യാ​ണ് വ​നി​താ ജീ​വ​ന​ക്കാ​ർ ഇ​ത്ര​യും കാ​ലം ഉ​പ​യോ​ഗി​ച്ചു കൊ​ണ്ടി​രു​ന്ന​ത്.

രാ​ത്രി വൈ​കി ഡ്യൂ​ട്ടി ക​ഴി​യു​ന്ന​വ​രും പു​ല​ർ​ച്ചെ ഡ്യൂ​ട്ടി​ക്ക് പോ​കേ​ണ്ട​വ​രു​മാ​യ വ​നി​താ ജീ​വ​ന​ക്കാ​ർ ഈ ​മു​റി​യി​ലാ​ണ് രാ​ത്രി ക​ഴി​യു​ന്ന​ത്.

ഉ​ത്ത​ര കേ​ര​ള​ത്തി​ലെ ഡി​പ്പോ​ക​ളി​ൽ നി​ന്നും എ​ത്തു​ന്ന ദീ​ർ​ഘ​ദൂ​ര സ​ർ​വീ​സു​ക​ളി​ലെ വ​നി​താ ക​ണ്ട​ക്ട​ർ​മാ​രും ഭ​ക്ഷ​ണം ക​ഴി​ക്കാ​നും വി​ശ്ര​മി​ക്കാ​നും പ്രാ​ഥ​മി​കാ​വ​ശ്യ​ങ്ങ​ൾ നി​ർ​വ​ഹി​ക്കു​ന്ന​തി​നും ഈ ​മു​റി​യാ​ണ് ഉ​പ​യോ​ഗി​ച്ചു കൊ​ണ്ടി​രു​ന്ന​ത്.

യാ​തൊ​രു മു​ന്ന​റി​യി​പ്പു​മി​ല്ലാ​തെ​യാ​ണ് കെ​എ​സ്ആ​ർ​ടി​സി​യി​ലെ വ​നി​താ ജീ​വ​ന​ക്കാ​രെ ഈ ​മു​റി​യി​ൽ നി​ന്നു കു​ടി​യി​റ​ക്കി​യ​ത്. പ​ക​രം കെ ​സ്വി​ഫ്റ്റി​ലെ ഏ​താ​നും വ​നി​താ ഡ്രൈ​വ​ർ​മാ​രെ ഈ ​മു​റി​യി​ൽ കു​ടി​യി​രു​ത്തി.

കെഎ​സ്ആ​ർ​ടി​സി​യു​ടെ മു​റി​യി​ൽ നി​ന്നു കെ എ​സ്ആ​ർടി സി ജീ​വ​ന​ക്കാ​രെ കു​ടി​യി​റ​ക്കി​യ​തി​ൽ പ്ര​തി​ഷേ​ധ​മു​യ​ർ​ന്നി​ട്ടു​ണ്ട്.

മ​റ്റൊ​രു സ്വ​ത​ന്ത്ര സ്ഥാ​പ​ന​ത്തി​ന് വേ​ണ്ടി​യാ​ണ് കു​ടി​യി​റ​ക്കി​യ​തെ​ന്ന​ത് അ​തീ​വ ഗൗ​ര​വ​മു​ള്ള കാ​ര്യ​മാ​ണെ​ന്ന് ജീ​വ​ന​ക്കാ​രു​ടെ സം​ഘ​ട​ന​യാ​യ ഫോ​റം ഫോ​ർ ജ​സ്റ്റി​സ് അ​റി​യി​ച്ചു.

കെഎ​സ്ആ​ർടിസി​യെ കെ – ​സ്വി​ഫ്റ്റ് എ​ന്ന സ്വ​ത​ന്ത്ര ക​മ്പി​നി വി​ഴു​ങ്ങു​ന്ന​തി​ന്‍റെ അ​വ​സാ​ന​ത്തെ തെ​ളി​വാ​ണ് ഇ​തെ​ന്നും അ​വ​ർ ആ​രോ​പി​ച്ചു.