ദുബായ്: രാജ്യാന്തര ക്രിക്കറ്റ് കൗണ്‍സിലിന്‍റെ (ഐസിസി) ട്വന്‍റി20 റാങ്കിംഗിൽ ആറു വർഷത്തിനുശേഷം ഇന്ത്യ ഒന്നാം സ്ഥാനം തിരിച്ചുപിടിച്ചു.
വിരാട് കോഹ്ലിയിൽനിന്നു രോഹിത് ശർമ നായകസ്ഥാനം ഏറ്റെടുത്തതിനു പിന്നാലെയാണ് ഇന്ത്യയുടെ തിരിച്ചുവരവ്.
ഇംഗ്ലണ്ടിനെ പിന്തള്ളിയാണ് ഇന്ത്യ റാങ്കിംഗിൽ ഒന്നാമതെത്തിയത്. വെസ്റ്റ്ഇൻഡീസിനെതിരായ ട്വന്‍റി20 പരന്പര തൂത്തുവാരിയതാണ് ഇന്ത്യക്കു ഗുണകരമായത്.
ഇതിനു മുൻപ് 2016 ഫെബ്രുവരിയിലാണ് ഇന്ത്യ ഐസിസി റാങ്കിംഗിൽ ഒന്നാം സ്ഥാനത്തെത്തിയത്. മൂന്നാമത് പാക്കിസ്ഥാനാണ്.
ന്യൂസിലൻഡ്, ദക്ഷിണാഫ്രിക്ക ടീമുകളാണു നാലും അഞ്ചും റാങ്കുകളിൽ. ട്വന്‍റി20 ലോകകപ്പ് ജേതാക്കളായ ഓസ്ട്രേലിയ ആറാം സ്ഥാനത്താണ്.
