മലയാളികളുടെ തൂവാനത്തുമ്പിയായിരുന്ന സുമലതയുടെ മകന്‍ സിനിമയിലേക്ക്. തൂവാനത്തുമ്പിയിലെ ക്ലാരയെ മറക്കാന്‍ പ്രണയം മനസില്‍ സൂക്ഷിക്കുന്ന ഒരു മലയാളിക്കും കഴിയില്ല. പ്രമുഖ കന്നട നടന്‍ അംബരീഷിന്റെയും സുമലതയുടെയും മകനായ അഭിഷേക് ഗൗഡയാണ് വെള്ളിത്തിരയില്‍ അരങ്ങേറ്റത്തിനൊരുങ്ങുന്നത്. പ്രശസ്ത നിര്‍മാതാവ് സന്ദേശ് നാഗരാജ് ഒരുക്കുന്ന ചിത്രത്തിലൂടെയാണ് അഭിഷേകിന്റെ അരങ്ങേറ്റം. മലയാളം അടക്കം ഇന്ത്യയിലെ ഒട്ടുമിക്ക ഭാഷകളിലും അഭിനയിച്ചിട്ടുള്ള നടിയാണ് സുമലത. അംബരീഷാണെങ്കില്‍ കന്നഡയിലെ തിരക്കുള്ള താരവും. നിരവധി ചിത്രങ്ങളില്‍ ഇരുവരും ഒരുമിച്ചഭിനയിച്ചിട്ടുണ്ട്. 1991 ഡിസംബര്‍ 8നാണ് ഇരുവരും വിവാഹിതരായത്. സുമലത അഭിനയത്തിന് ഇടവേള നല്‍കിയെങ്കിലും അംബരീഷ് ഇപ്പോഴും സിനിമാതിരക്കുകളിലാണ്. രാഷ്ട്രീയരംഗത്തും തിളങ്ങിയിട്ടുള്ള അംബരീഷ് 2006-2007ല്‍ മന്ത്രിയായിരുന്നു.
Read Moreമലയാളികളുടെ പ്രിയപ്പെട്ട ‘ക്ലാര’യുടെ മകന്‍ സിനിമയിലേക്ക്; അഭിഷേക് ഗൗഡയെ സിനിമയിലെത്തിക്കുന്നത് മാതാപിതാക്കളുടെ പാരമ്പര്യം
