Tag: arya

ബിഗ്‌ബോസില്‍ ആര് വിജയിക്കുമെന്ന് പറഞ്ഞ നടിയും അവതാരകയുമായ ആര്യയ്ക്കു നേരെ കടുത്ത സൈബര്‍ ആക്രമണം. തന്നോട് അഭിപ്രായം ചോദിച്ചതിനാലാണ് സാബു ജയിക്കുമെന്ന് താന്‍ അഭിപ്രായം പറഞ്ഞതെന്നും ഇതിനെ തുടര്‍ന്ന് തന്റെ നേര്‍ക്ക് സൈബര്‍ ആക്രമണങ്ങളുണ്ടാകുകയായിരുന്നുവെന്നും ആര്യ പറയുന്നു. എന്നാല്‍ ആര്യക്ക് പേളി മാണിയോട് അസൂയയാണെന്നും അവരുടെ സാമൂഹ്യ അംഗീകാരം തകര്‍ക്കാനും വേണ്ടിയാണ് ശ്രമിക്കുന്നതെന്നും പറഞ്ഞാണ് പല കമന്റുകളും. സൈബര്‍ ആക്രമണം നടത്തുന്ന പല അക്കൗണ്ടുകളും വ്യാജ അക്കൗണ്ടുകളാണെന്നും ആര്യ പറഞ്ഞു.അതേസമയം, ഇതുവരെ ബാര്‍ക് റേറ്റിംഗിലെ ആദ്യ അഞ്ചിലിടം നേടാന്‍ ബിഗ് ബോസിന് കഴിഞ്ഞിട്ടില്ല. ഏഷ്യാനെറ്റിലെ തന്നെ സീരിയലുകളായ വാനമ്പാടി, നീലക്കുയില്‍, കസ്തൂരിമാന്‍, കറുത്തമുത്ത്, സീതാകല്ല്യാണം എന്നിവയ്ക്കാണ് യഥാക്രമം അഞ്ചു സ്ഥാനങ്ങളും. എന്തായാലും ട്രോളന്മാര്‍ക്ക് ആര്യയെ വിടാന്‍ ഭാവമില്ല.

ആര്യയ്ക്കു വധുവിനെ അന്വേഷിച്ചു നടത്തിയ എങ്ക വീട്ടു മാപ്പിളൈ വന്‍ വിവാദത്തിലാണവസാനിച്ചത്. ആര്യയുടെ വിവാഹം പ്രതീക്ഷിച്ച് റിയാലിറ്റിഷോ അവസാനം വരെ കണ്ടവര്‍ക്ക് കടുത്ത നിരാശയായിരുന്നു ഫലം. ഇപ്പോള്‍ ആര്യയുടെ വീട് വീണ്ടുമൊരു വിവാഹത്തിന് ഒരുങ്ങുകയാണ്. എന്നാല്‍ കല്യാണം കഴിക്കുന്നത് ആര്യയല്ല എന്നുമാത്രം. സഹോദരന്‍ സത്യയുടെ വിവാഹമാണ് നടക്കാന്‍ പോകുന്നത്. കോളജ് കാലം മുതല്‍ പ്രണയിനിയായ ഭാവനയാണ് സത്യയുടെ വധു. ജൂണ്‍ 22ന് വന്‍ ആഘോഷങ്ങളോടെയാകും വിവാഹം നടക്കുക. അമരകാവ്യം,പുത്തകം എന്നീ ചിത്രങ്ങളിലൂടെ ശ്രദ്ധേയനായ താരമാണ് സത്യ. ഇതിനു ശേഷം പഠനത്തില്‍ ശ്രദ്ധ കേന്ദ്രീകരിച്ച താരം വിവാഹ ശേഷം സിനിമയില്‍ സജീവമാകാനുള്ള ഒരുക്കത്തിലാണ്.