ഓണ്‍ലൈന്‍ പലചരക്ക് വില്‍പ്പന പ്ലാറ്റ്‌ഫോമായ ബിഗ്ബാസ്‌ക്കറ്റില്‍ നിന്നും രണ്ടുകോടിയിലേറെ ഉപഭോക്താക്കളുടെ വ്യക്തിഗത വിവരങ്ങള്‍ ചോര്‍ന്നു. യുഎസ് ആസ്ഥാനമായി പ്രവര്‍ത്തിക്കുന്ന സൈബര്‍ സുരക്ഷാ രഹസ്യാന്വേഷണ ഏജന്‍സിയായ സൈബിള്‍ ഇങ്കാണ് ഇക്കാര്യം പുറത്ത് വിട്ടത്. ചോര്‍ത്തിയ വിവരങ്ങള്‍ ഡാര്‍ക്ക് വെബില്‍ 40,000 ഡോളര്‍ വിലയിട്ടാണ് വില്‍പ്പനയ്ക്ക് വെച്ചിരിക്കുന്നത്. 15 ജിബിയിലേറെ വലിപ്പമുള്ള ഡാറ്റയാണ് ഡാര്‍ക്ക് വെബില്‍ ലഭിച്ചിരിക്കുന്നത്. ഉപഭോക്താക്കളുടെ പേര്, ഇ-മെയില്‍ ഐഡി, മൊബൈല്‍ നമ്പര്‍, വിലാസം, ജനനതിയതി, പ്രദേശം, ഐപി വിലാസം തുടങ്ങിയവയെല്ലാം ലഭ്യമാണ്. ഡാറ്റ ചോര്‍ച്ചയുണ്ടായവരുടെ പേരുവിവരങ്ങളും കമ്പനി പരസ്യപ്പെടുത്തിയിട്ടുണ്ട്. അതേസമയം, ഇവരുടെ സാമ്പത്തിക വിവരങ്ങള്‍ ഉള്‍പ്പടെയുള്ളവ സുരക്ഷിതമാണെന്ന് അധികൃതര്‍ അറിയിക്കുന്നു. ബംഗളുരു ആസ്ഥാനമായി പ്രവര്‍ത്തിക്കുന്ന ബിഗ് ബാസ്‌കറ്റ് സിറ്റി പോലീസിന്റെ സൈബര്‍ സെല്ലില്‍ ഇതുസംബന്ധിച്ച് പരാതി നല്‍കിയിട്ടുണ്ട്.
Read Moreബിഗ് ചതി ! ഓണ്‍ലൈന്‍ പലചരക്ക് വില്‍പ്പന പ്ലാറ്റ്‌ഫോം ബിഗ്ബാസ്‌ക്കറ്റില്‍ നിന്നു ചോര്‍ന്നത് രണ്ടു കോടി ഉപഭോക്താക്കളുടെ വിവരങ്ങള്‍; വ്യക്തിവിവരങ്ങള്‍ ഡാര്‍ക്ക് വെബില്‍ 40000 ഡോളര്‍ വിലയ്ക്ക് വില്‍പ്പനയ്ക്ക്…
