ലോകത്തെ ഏറ്റവും മികച്ച താരമെന്ന് വിശേഷിപ്പിക്കപ്പെടുന്ന ലയണല്‍ മെസി പന്തുമായി ഡ്രിബിള്‍ ചെയ്തു മുന്നേറുന്നത് കാണുന്നത് തന്നെ ഒരു മനോഹാരിതയാണ്. അങ്ങനെ ഡ്രിബിള്‍ ചെയ്ത് വിസ്മയകരമായി ഗോളടിച്ച് മെസി നമ്മെ പലവട്ടം അമ്പരപ്പിച്ചിട്ടുണ്ട്. എന്നാലിപ്പോള്‍ മറ്റൊരു മെസിയുടെ വീഡിയോയാണ് ആരാധകരുടെ മനംകവരുന്നത്. മറ്റാരുമല്ല അത്, മെസിയുടെ രണ്ടാമത്ത മകന്‍ മത്തേവോ മെസിയാണ് ആ താരം. മെസിയെ അനുസ്മരിപ്പിക്കുന്ന ഡ്രിബ്ലിംഗ് പാടവത്തോടെ മത്തേവോ ഗോളടിക്കുന്ന വീഡിയോ ഇതിനോടകം സോഷ്യല്‍ മീഡിയയില്‍ തരംഗമായിക്കഴിഞ്ഞു. പിഎസ്ജി അക്കാദമിയിലാണ് മെസിയുടെ മക്കളായ തിയാഗോയും മത്തേവോയും പരിശീലനം നടത്തുന്നത്. ഇവിടെ മത്തേവോ നേടിയ ഗോളാണ് ഫുട്ബോള്‍ ലോകത്ത് ചര്‍ച്ചയാവുന്നത്. എതിര്‍താരങ്ങളെ വെട്ടിച്ചും ഡ്രിബിള്‍ ചെയ്തും ഇടം കാലുകൊണ്ട് ഗോള്‍ വലയിലേക്ക് പന്തിടുകയാണ് മത്തേവോ. ഗോള്‍ നേടിയതിന് ശേഷമുള്ള ആഘോഷവും മെസിയുടേത് പോലെ തന്നെ. ഇരുകൈകളും നീട്ടിയോടിയാണ് ആറ് വയസുകാരനായ മത്തേവോയുടെ ഗോള്‍ ആഘോഷം.
Read Moreഡിഎന്എ ടെസ്റ്റ് ആവശ്യമില്ല…മെസിയുടെ മകന്‍ തന്നെ ! ഡ്രിബിള്‍ ചെയ്ത് ഇടംകാലുകൊണ്ട് കിണ്ണംകാച്ചിയ ഗോള്‍;വീഡിയോ തരംഗമാവുന്നു…
