കൂട്ടുകാരുമൊന്നിച്ച് ഒളിച്ചു കളിച്ച 15 വയസ്സുള്ള ബംഗ്ലാദേശി ബാലന്‍ ഒടുവില്‍ എത്തപ്പെട്ടത് മലേഷ്യയിലും. ബംഗ്ലാദേശ് സ്വദേശി ഫാഹിമിനാണ് ഈ ദുരവസ്ഥയുണ്ടായത്. ഒളിച്ച് കളിക്കുന്നതിനിടെ ഷിപ്പിംഗ് കണ്ടെയ്നറില്‍ കുടുങ്ങിയ ഫാഹിം ബംഗ്ലാദേശില്‍നിന്ന് മലേഷ്യയില്‍ എത്തിപ്പെടുകയായിരുന്നു. കണ്ടെയ്നര്‍ അടങ്ങിയ കപ്പല്‍ ആറ് ദിവസത്തിന് ശേഷമാണ് മലേഷ്യയില്‍ എത്തിയത്. ഭക്ഷണവും വെള്ളവുമില്ലാതെയാണ് ദിവസങ്ങളോളം കുട്ടി കണ്ടയ്നറിലിരുന്നത് എന്നതാണ് അത്ഭുതം. കണ്ടെയ്നറിനകത്ത് നിന്ന് ശബ്ദം കേട്ടതിനെ തുടര്‍ന്ന് ജീവനക്കാര്‍ നടത്തിയ പരിശോധനയിലാണ് കുട്ടിയെ കണ്ടെത്തിയത്. അവശനായ കുട്ടിയുടെ ചിത്രം സോഷ്യല്‍ മീഡിയയില്‍ പ്രചരിക്കുന്നുണ്ട്. ഫാഹിമിനെ വൈദ്യപരിശോധനയ്ക്ക് വിധേയനാക്കി. കൂടാതെ നിയമപരമായ മാര്‍ഗത്തിലൂടെ കുട്ടിയെ നാട്ടിലെത്തിക്കാനുള്ള നീക്കങ്ങള്‍ നടക്കുകയാണെന്ന് അധികൃതര്‍ അറിയിച്ചു. പ്രാഥമിക അന്വേഷണത്തില്‍ മനുഷ്യക്കടത്തല്ലെന്ന് കണ്ടെത്തിയതായി മലേഷ്യന്‍ ആഭ്യന്തര മന്ത്രാലയം അറിയിക്കുകയും ചെയ്തു.
Read Moreകൂട്ടുകാരുമൊത്തു ‘ഒളിച്ചു കളിച്ച’ ബംഗ്ലാദേശി ബാലന്‍ കണ്ണു തുറന്നപ്പോള് കണ്ടത് മലേഷ്യ ! വിചിത്രമായ സംഭവം ഇങ്ങനെ…
