മണിപ്പൂരി സമര നായിക ഇറോം ഷര്‍മിള വിവാഹിതയാകാനൊരുങ്ങുന്നു. ബ്രിട്ടീഷ് പൗരനായ ഗോവക്കാരന്‍ ഡെസ്മണ്ട് കോട്ടീഞ്ഞോ ആണ് ഷര്‍മിളയുടെ പ്രതിശ്രുത വരന്‍. തന്റെ ഭാവി നായകനെ കാണാന്‍ ഇംഗ്ലണ്ടിലേക്കു പറക്കാനൊരുങ്ങുകയാണ് ഇറോം ഇപ്പോള്‍. ബംഗളുരുവിലെ ഒരു തെരുവില്‍ വച്ചാണ് ഇറോമിന്റെ ചിത്രം ഡെസ്മണ്ട് ആദ്യമായി കാണുന്നത്. ഇറോമിന്റെ സമരത്തേക്കുറിച്ച് കേട്ടറിഞ്ഞതു മുതല്‍ ഇറോം ഇയാളുടെ സ്‌നേഹത്തിനു പാത്രമായി. ഇറോമിനെ കോടതിയില്‍ ഹാജരാക്കാന്‍ കൊണ്ടുവന്നപ്പോഴാണ് ഇരുവരും ആദ്യമായി നേരില്‍ കാണുന്നത്. മണിപ്പൂരില്‍ നടന്ന നിയമസഭാ തെരഞ്ഞെടുപ്പില്‍ മത്സരിച്ചെങ്കിലും ഇറോം പരാജയപ്പെട്ടിരുന്നു. തുടര്‍ന്ന് രാഷ്ട്രീയം വിടുകയാണെന്നു പ്രഖ്യാപിച്ച ഇറോം കുടുംബജീവിതത്തിലേക്കു കടക്കുകയാണെന്ന സൂചനയും നല്‍കിയിരുന്നു.. തന്റെ പ്രണയ സാഫല്യത്തിനായി ഡെസ്മണ്ട് ഇന്ത്യയിലേക്ക് തിരിക്കാന്‍ തുടങ്ങിയപ്പോള്‍ സുരക്ഷാകാര്യങ്ങളുടെ പേരില്‍ കേന്ദ്രസര്‍ക്കാര്‍ സന്ദര്‍ശനാനുമതി നിഷേധിക്കുകയായിരുന്നു. തുടര്‍ന്നാണ് ഡെസ്മണ്ടിനെ കാണാന്‍ ഇംഗ്ലണ്ടിലേക്കു തിരിക്കാന്‍ ഇറോം തീരുമാനിച്ചത്.
Read Moreഇനിയുള്ള ജീവിതം അവനുവേണ്ടി..! തന്റെ പ്രിയതമനെ കാണാന്‍ ഇറോം ഷര്‍മിള ലണ്ടനി ലേക്ക് പറക്കാനൊരുങ്ങുന്നു; സുരക്ഷയുടെ പേരിൽ കാമുകന്‍റെ വരവ് തടഞ്ഞതിനെ തുടർന്നാണ് ലണ്ടനിലേക്ക് പറക്കുന്നത്
