കുഞ്ചാക്കോബോബന്റെയും ഭാര്യ പ്രിയയുടെയും ലോകം മകന്‍ ഇസഹാക്കാണ്. ഏറെ നാളത്തെ കാത്തിരിപ്പിനു ശേഷം തങ്ങളുടെ ജീവിതത്തിലേക്ക് എത്തിയ ഇസയുടെ കളിചിരികളും കുസൃതികളുമാണ് ഇവരുടെ വീട്ടില്‍ നിറയുന്നത്. 2005 ഏപ്രില്‍ രണ്ടിനായിരുന്നു ആറു വര്‍ഷത്തെ പ്രണയത്തിനു ശേഷം ഇവര്‍ വിവാഹിതരായത്. 14 വര്‍ഷത്തെ കാത്തിരിപ്പിനൊടുവിലാണ് ജീവിത സാഫല്യം പോലെ ഇസഹാക്കിനെ കിട്ടിയത്. മകന്‍ എത്തിയ ശേഷം തങ്ങളുടെ ജീവിതം മൊത്തത്തില്‍ മാറിയെന്ന് ചാക്കോച്ചനും പ്രിയയും പറഞ്ഞിട്ടുണ്ട്. ഇസ എന്ന് വിളിക്കുന്ന ഇസഹാക്കിന്റെ വളര്‍ച്ചയുടെ ഓരോ ഘട്ടങ്ങളും ചാക്കോച്ചന്‍ ആരാധകര്‍ക്കായി പങ്കുവയ്ക്കാറുണ്ട്. ഇപ്പോള്‍ ചാക്കോച്ചനും പ്രിയയും തങ്ങളുടെ വിവാഹവാര്‍ഷികം ആഘോഷമാക്കിയിരിക്കുകയാണ്. തങ്ങളുടെ 16-ാം വിവാഹ വാര്‍ഷികമാണ് ദമ്പതികള്‍ ആഘോഷമാക്കിയത്. നിരവധി പേരാണ് ചാക്കോച്ചനും പ്രിയക്കും ആശംസ നേര്‍ന്നത്. ഞങ്ങള്‍ മധുര പതിനാറിലേക്ക് കടക്കുകയാണ്, ഞങ്ങള്‍ക്ക് വേണ്ടി പ്രാര്‍ത്ഥിക്കുകയും ഞങ്ങളെ സ്‌നേഹിക്കുന്നവര്‍ക്കും ഒരുപാട് നന്ദി എന്നാണ് ചാക്കോച്ചന്‍ കുറിച്ചത്
Read Moreജീവിതത്തില്‍ മറ്റൊരു സന്തോഷം കൂടി ! വിശേഷം വെളിപ്പെടുത്തി ചാക്കോച്ചനും പ്രിയയും…
